Azərbaycana teztez edilən hücumun səbəbi
Dünya 09 Yan 2024 21:50:00 250 0
ABŞ-ın Azərbaycana qarşı guya dini etiqad azadlığının və ya tolerantlığın ciddi şəkildə pozulması ilə bağlı iddiaları tamamilə saxtadır, çünki Azərbaycan multikulturalizm siyasəti ilə dini etiqad azadlığının təmin edilməsi, bütün etnik qrupların nümayəndələrinin öz adət-ənənələri çərçivəsində yaşaması imkanı baxımından başqa ölkələrə nümunə ola bilər.
Bu xəbəri də oxu: Nelson Mandelanın nəvəsi oğurluğa görə saxlanıldı
Son.az axar.az-a istinadən xəbər verir ki, bunu rusiyalı politoloq Sergey Markov deyib.
"Son vaxtlar Azərbaycana tez-tez baş verən "hücumlar" ABŞ-a potensial sanksiyaların tətbiqi üçün əsas kimi lazımdır. ABŞ-ın Bakıya təzyiqini artıran bir neçə hal üst-üstə düşdü. Birincisi ABŞ-da güclü erməni lobbisinin, ermənipərəst sistemin olmasıdır. Bu lobbi dövlət orqanlarında fəaliyyət göstərir, ABŞ-da çoxlu sayda erməni iş adamı yaşayır, erməni lobbisi ilə əlaqəli bir çox KİV var. Və ABŞ-dakı bu ermənipərəst sistem nə Azərbaycanın güclənməsi sayəsində Cənubi Qafqazda baş verən geosiyasi dəyişiklikləri, nə də Azərbaycanın nəinki regionda, hətta dünyada rolunun artması və eləcə də Qarabağ münaqişəsinin bitməsi ilə razılaşa bilmir. Son nəticədə Azərbaycanla Ermənistan arasında yaxınlaşan sülh onların xoşuna gəlmir.
Rusiya ilə Qərb arasında müharibə var. Bu müharibədə ABŞ başqa vasitələrlə yanaşı, Rusiyanın müttəfiqlərindən də ona qarşı istifadə etməyə çalışır. Cənubi Qafqazda Ermənistan sabitliyi pozmaq vasitəsi kimi istifadə olunur. Qərb, bildiyiniz kimi, onu Rusiyadan qoparmağa, KTMT və Aİİ-dən çıxmasına nail olmağa çalışır. Bu, qərbyönlü siyasətçi Paşinyan hakimiyyətə gəldikdən və İkinci Qarabağ müharibəsində Ermənistanın tam məğlubiyyətindən sonra yaranıb", - o bildirib.
Markovun sözlərinə görə, ABŞ Cənubi Qafqaza nəzarət etmək üçün Azərbaycana təzyiq etmək istəyir:
"Amma Bakı ilə bu mümkün olmayacaq. Bu gün Azərbaycan güclü suveren dövlətdir, xüsusən də Qarabağ münaqişəsi həll edildikdən, onun suverenliyi və ərazi bütövlüyü bərpa edildikdən sonra. Yeri gəlmişkən, ABŞ-ın özünün "azadlıqla" ciddi problemləri var. Bunlara afroamerikalı əhalinin polis tərəfindən dəfələrlə öldürülməsi, jurnalistlərin təqib edilməsi və s. nümunədir. Buna görə də əlbəttə ki, burada kimisə mühakimə etmək ABŞ-ın işi deyil. Bundan əlavə, eyni azadlıq məsələsi baxımından Ermənistana diqqət yetirməyə dəyər. Və burada hər şey tamamilə şəffafdır. Axı məhz Ermənistan azərbaycanlı əhalini öz doğma yurdundan didərgin salaraq onlara qarşı soyqırım törədib və məlum olduğu kimi, azərbaycanlı əhali müasir Ermənistan ərazisindən qovulub. Azərbaycanlıların mədəni-tarixi irsi, əsasən də İrəvandakı irs saxtalaşdırılmaq məqsədilə yerlə yeksan edildi ki, orada İrəvan xanlığından əsər-əlamət qalmasın".
Son.az Xəbərlərimizi WhatsApp kanalımızdan da oxuyun
Ölkəmizdə müxtəlif xidmət sahələrinin nağdsızlaşdırmaya inteqrasiya
Azərbaycan Tələbə Gənclər Təşkilatları İttifaqının təşkilatçılı
42 yaşlı Alessandra Ambrosionun bikinili fotoları gündəm olub.
Bir neçə ölkədə quş qripi xəstəliyi yenidən yayılıb.
Xəbər verdiyimiz kimi, bir neçə gün əvvəl ABŞ-nin "Alaska Airlines&
Türkiyə 2023-cü ilin yanvar-dekabr aylarında Türkmənistana elektrik avadan
Türkiyənin Hatay vilayətində Qaçaqmalçılıq və Mütəşəkkil Cinayətk
Paytaxtın Nəsimi rayonu, Bakıxanov küçəsi 42 və Bakıxanov qəsəbəsi Sa
"Evin içində beş addım atıram, boğuluram"
ABŞ dövlət katibi Antoni Blinkenin İsrailin Baş naziri Benyamin Netanyahu i
Banqladeşdə minlərlə insan seçkilərin nəticəsi ilə razılaşmayaraq, pa
İmişli şəhər icra nümayəndəsinin müavini Elvin Heydər oğlu Babayev h�
Ermənistan Müdafiə Nazirliyinin Basarkeçərdəki N saylı hərbi hissəsinin