Son.az xəbər verir ki, bu barədə Trend-ə açıqlamasında deputat Azər Badamov deyib.

"COVİD -19-un yeni ştamı olaraq "omikron" gəldi və cəmiyyət bu ştamdan uzaqlaşmamış daha yeni modifiaksiya ilə bağlı Ümumdünya Səhiyyə Təşkilatı həyəcan təbili çalmağa başlayıb. Bu gün ÜST tərəfindən COVİD-19 karonavirusun yeni növü olaraq EG.5 ştamı təhlükəli viruslar sırasına daxil etmişdir. Bu ştam Eris də adlandırılır. "Eris" ştamı dünyada sürətlə yayılmaqdadır. Belə ki, dünyanın 52 ölkəsində Erisə sürətlə yoluxmalar qeydə alınmış, o cümlədən qardaş Türkiyəyə də gəlib çatmışdır. Rusiyada Eris ştamına qarşı tədbirlərin gücləndirilməsi üçün ayın 18-dən local şəkildə tibbi maskadan istifadə olunması üçün məhdidiyyətlərin tətbiq edilməsi nəzərdə tutulur. Eris ştamın sürətlə artdığına görə ölkəmizdə də qabaqlayıcı tədbirlərin görülməsi üçün hazırlıq işlərini aparılmalı olduğunu hesab edirəm. Ona görə də yenidən tibbi maskalardan istifadə olunması aktuallaşmalıdır. Havalar souduqca xəstələyin yayılma tezliyi də artacaqdır. Bu gün ölkəmizdə COVİD-19-a yeni yoluxanlar yoxdur və müalicə olunanların sayı 22 nəfərdir. Amma Eris ştamın yayılma sürətinin yüksək olması bizi bu gündən düşündürməlidir ki, sabah yoluxmaların yayılacağı təqdirdə mübarizə tədbirləri effektiv təşkil olunsun", - deyə deputat bildirib.