Son.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - Qarşınıza qoyduğunuz məqsədə çatmaq üçün kafi bildiyiniz bütün vasitələrə əl atın. Yaxın gələcəklə bağlı perspektiv planlar hazırlayın. Qərarlarınıza və əməllərinizə görə məsuliyyət daşıdığınızı unutmayın. Belədə işlərdə irəliləyəcək, gəlir əldə edəcəksiniz. Başqalarından fərqli durumda olduğunuzu, çeşidli imtiyazlar yiyəsinə çevrildiyinizi düşünməyin.

Tənqidləri düşmənçilik izharı kimi anlamayın. Rəqiblər və bədxahlar sakit durmayıblar.  

Buğa - Ənənəvi vasitələr və adət etdiyiniz metodlar bu gün xüsusilə effektiv olacaq. Özünüzü pis hiss etməyəcəksiniz. Standart metodlara və elementar sağlam məntiqə əsaslanaraq davranın. Mübahisəli məsələlərdə qanuna riayət edin, riskli addımlar atmayın, avantüralara qatılmayın.

Özünüzə əmin olun. Şəxsi təcrübəniz və intuisiyanıza güvənə bilərsiniz. Səbirsiz həmkarlar, gənc tərəfdaşlar sizi yoldan sapdırmağa çalışacaqlar. Ekstravaqant, xarizmatik təsir bağışlayan təkliflərə aldanmayın. Sakit olsanız, rəqibi üstələyə bilərsiniz.

Əkizlər - İrəliyə doğru hərəkətə ötənlərdən qalmış çözülməmiş problem mane ola bilər. Borcları qaytarın, ziddiyyətləri aradan qaldırın. Yarımçıq qalmış işləri başa vurun. Sənədlərlə iş, dövlət qurumlarına baş çəkmək üçün əlverişli zamandır. Problemlərlə üzləşəndə ruhdan düşməyin. Yaranmış situasiya ilk baxışdan çox pis təsir bağışlasa da, onun müsbət tərəfləri də var. Sədləri dəf etmək üçün aldığınız informasiyadan faydalanın. Yeni tanışlıq və ya ideya karınıza gələ bilər.

Xərçəng - Maraqlarınız yaxın ətrafınızdakı insanlardan birinin tələbləri və ya istəkləri ilə toqquşa bilər. Çalışdığınız yerin, kollektivin tələblərini qulaqardına vurmayın. Başqasından asılı vəziyyətə düşsəniz, çətinliklərlə qarşılaşacaqsınız. Sifariş aldığınız müştəriləri aldatmağa çalışmayın. Diplomatik və təmkinli davranın, amma gərəkli məqamlarda sərt olmağı da unutmayın. Əksliklərlə fikir ayrılıqlarının dəf olunması sizə yeni səviyyəyə yüksəlməyə imkan verəcək.

Problemlərin həllindən qaçsanız, geriləyəcək, bir neçə addım arxaya düşəcəksiniz.

Şir - İllüziyalara qapılmayın, xəyallar aləmini tərk edin. Yeni planların reallaşdırılması ilə məşğul olun. Niyyət və istəkləriniz sərt gerçəkliyə dəyərək çilik-çilik ola bilər. Əzmlə çalışın, çətinlikləri aradan qaldırın, maneələri dəf edin. Tez uğura və nailiyyətlərə aparan yolda ən böyük maneə səhhətinizdə çətinliklər ola bilər. İdarəetmə bacarıqlarınızı nümayiş etdirin. Səbirli və intizamlı olun. Nəzərdə tutduğunuz səfər baş tutmaya bilər. Mühüm qərarı ertələyin.

Qız - Yaşam sizdən şəxsi münasibətlər müstəvisində alternativ yolların axtarışını tələb edir. İşdə problemlərin həllinə yaradıcı yanaşın. Rutin, yeknəsəq olmayın. Yaxın ətrafınızdakı insanlardan birinin cəsarətli çağırışı və ya timsalı sizə təsir edə bilər. Stressə səbəb olmamaq üçün köklü dəyişikliklərə başlamayın. Əvvəlki ideal və mövqelərinizdən bəzilərindən imtinaya hazır olun. Fəqət ideallardan total imtinaya ehtiyac yoxdur.

Qarşılıqlı münasibətlərdəki əksliklərlə ziddiyyətləri danışıqlarla həll etmək olar. Radikal, inqilabi vasitələrə əl atmayın.

Tərəzi - Önəmli qərar və mühüm addımlardan əvvəl yaxşıca düşünüb-daşının.

Tələskənliyə yol verməyin. Yalnız belə davransanız, qarşılaşdığınız problemləri həll edə bilərsiniz. Ailə üzvlərindən biri ilə münasibətlərdə anlaşılmazlıq yarana bilər. O şəxs fərdiyyətçidir. Şərait tələb edirsə, aşkar qarşıdurmaya və ya konfrontasiyaya getməkdən çəkinməyin.

Eyni zamanda güzəşt imkanlarını əldən verməyin. Dəyər verdiyiniz insandan üzr istəyə bilərsiniz.

Əqrəb - Uğurlu gündür və situasiya da sizin işlərinizin irəliləyişini ehtiva edir. İntuisiyanıza inanın. Diqqətli və sayıq olun. Gərəkli informasiyanı ciddi çətinlik çəkmədən tapacaqsınız. Həmsöhbət və həmfikirlərin seçilməsində sayıq olun. Sənədlərlə iş, dövlət qurumlarındakı məsələnin həlli üçün əlverişli zamandır. Qısa səfər istisna deyil. Həmkar və ya qohumla təcili əlaqə saxlamağa lüzum yarana bilər. Növbəti "sürpriz"lə, ağır problemlə qarşılaşanda təlaşa qapılmayın. Problemi işçi qaydada həll edin.  

Oxatan - Maliyyə fonu uğurlu deyil. Məntiqli olun, önəmli qərarları qəbul etməzdən əvvəl yaxşıca düşünün. Alış-verişə yollananda prioritetləri bəlirləyin. Bədxərclik etməyin. Əks halda ən zəruri nəsnələrə pul çatmaya bilər. Qəfil gəlir və ya sifariş mənbəyi istisna deyil. Ehtiyatda bir qədər vəsait saxlayın.

Biznes, kommersiya, idarəetmə, marketinq üçün əlverişli zamandır.

Əsas vəsait fondunun artırılmasını düşünün. Ailə büdcəsinə zərbə vurmayın.

Oğlaq - Prinsipial məsələlərdə qətiyyətli olun. Mövqelərinizdən əsla geri çəkilməyin. Qarşılıqlı münasibətlərdəki növbəti böhranı dəf etməlisiniz. Emosiyalarınızı aşkarlamayın. Kimsəyə imkan verməyin ki, hisslərinizlə oynasın. Əks təqdirdə rəqiblər və ya bədxahlar zəifliyinizdən yararlanaraq sizi üstələyəcəklər.

Çətin anlarda, ağır situasiyada qəflətən kənardan yardım alacaqsınız. Bu, gərəkli məlumat, informasiya, vaxtında verilən dəstək ola bilər. Məktub və ya xəbər almağınız istisna deyil.

Səbirli, təmkinli olun.

Dolça - Sizin üçün əhəmiyyətli olayların kölgədə qalan məzmununu, əsl mahiyyətini anlamağa çalışın. Məqsədə çatmaq üçün səyləri, vaxtı, maliyyə imkanlarını əsirgəməyin. Başqasının problemlərini ön plana çəkərək öz işlərinizi unutmayın. Kollektiv problemlərin həlli zamanı sizə dəxli olmayan məqamlara görə mənafeyinizi qurban verməyin. Fəqət, yaxın ətrafınızdakı insanlara yardım etməyi də unutmayın. Köhnə borcları ödəyin, mövqelərinizi daha səbatlı edin.

Balıqlar - Uzaqgörən olun, strateji düşünməyə çalışın. Xəyalpərvər olmayın, bir qədər praqmatik davranın. Qarşınıza qoyduğunuz məqsədlərə çatmaq üçün qətiyyətli olun.

Yaxın gələcəklə bağlı perspektivləri dəqiq müəyyənləşdirin. Dürüst mövqe tutaraq irəliləməyə çalışın. Dostlarla ünsiyyət üçün yaxşı zamandır. Yaşlı qohumların məsləhətlərini dinləyin. Tənqid və iradlara həddən artıq sərt reaksiya göstərməyin. Özünüzə kənardan baxmağı bacarın.

Son.az