Son.az Trend-ə istinadən xəbər verir ki, bunu Ağdamda jurnalistlərə açıqlamasında Azərbaycan Dəmir Yollarının Tikintiyə Nəzarət idarəsinin rəhbəri Tural Abbaslı deyib.

Onun sözlərinə görə, hazırda Ağdam stansiyasında beş yan yol salınıb. Yeganə bir yol dəmir yolu xəttinə gedəcək yolun tikintisi qalıb ki, o da bir kilometr təşkil edir.

"Layihə üzrə 90 faiz layihələndirmə işləri yerinə yetirilib. Qalan işlər stansiya binalarının tikintisindən ibarətdir. Artıq Bərdə stansiyasının söküntü işlərinə başlanıb. Orada da yeni stansiya inşa olunacaq. Köçərli və Təzəkənd stansiyalarında bünövrələr inşa olunub. Ağdam stansiyasında isə layihələndirmə işləri tamamlanıb.

Gözləntilərə əsasən iyulun əvvələrində layihələndirmə işlərini btirib iyul-avqust aylarında tikinti sahəsinin başlanması gözlənilir. Bundan başqa elektirikləşdirmə və rabitə-siqnal xəttlərinin tikilməsi qalır ki, bunun da ilin sonuna qədər təhvil veriləcəyi gözlənilir", - deyə T.Abbaslı qeyd edib.

T.Abbaslı bildirib ki, Yevlax-Bərdə dəmiryolu xəttinin təmir işlərinə başlanıb.

"Gələcəkdə həmin yolun da reabiltasiya olunub təhvil veriləcəyi gözlənilir. Yolda yükdaşıma qabuliyyəti orta hesabla 10 milyon ton təşkil edir. "