Son.az Trend-ə istinadən xəbər verir ki, nazirlər iki ölkə arasında diplomatik münasibətlərin tam bərpası, həmçinin birgə layihələrin həyata keçirilməsini müzakirə ediblər.

Təkbətək və geniş heyətdə keçirilən görüşlərdən sonra hər iki nazirin iştirakı ilə mətbuat konfransı keçirilib.

"Qarşılıqlı səfir nə vaxt təyin olunacaq?" sualına Sami Şükri belə cavab verib:

"Bu barədə detalları həmkarımla razılaşdıqdan sonra açıqlayacağıq".

Mövlud Çavuşoğlu isə "Qarşıdakı dövrdə eyni vaxtda açıqlama verəcəyik", - deyib.

Çavuşoğlu qeyd edib ki, Türkiyə ilə Misir əsasən enerji sahəsində əməkdaşlığı daha da sıxlaşdıracaq:

"Şübhəsiz ki, enerji sahəsində əməkdaşlığımız var. Bütün sahələrdə əməkdaşlığın artmasını istəyirik. Xüsusilə, enerji sahəsində, həmçinin bərpa olunan enerji sahəsində biz bunu istəyirik. Potensial var. Ukrayna müharibəsi davam etdikcə enerji böhranının olacağı aydındır. Türkiyə indi günəş və külək enerjisində dünya ortalamasını üstələyib. İki qardaş ölkə kimi əməkdaşlıq etsək, bir-birimizə dəstək olarıq. İxracımız da yaxşılaşar".

Çavuşoğlunun sözlərinə görə, iki ölkə bundan sonra Liviya məsələsində daha yaxın əməkdaşlıq şəraitində iş aparacaq.

Sami Şükri də öz növbəsində Misirin Türkiyə ilə daha yaxın əlaqələr qurmaqda maraqlı olduğunu söyləyib.