Nant şəhərində Azərbaycanın tarixi qələbəsi qeyd edilib
Siyasət 14 Noy 2020 18:41:00 114 0
Fransanın Nant şəhərində yaşayan soydaşlarımız Azərbaycan Respublikasının Prezidenti, müzəffər Ali Baş Komandan İlham Əliyevin qətiyyəti və şanlı ordumuzun şücaəti nəticəsində Azərbaycan torpaqlarının işğaldan azad edilməsi münasibətilə avtoyürüş təşkil ediblər.
Diasporla İş üzrə Dövlət Komitəsindən Son.az-a verilən məlumata görə, yürüşdə onlarla azərbaycanlı iştirak edib, üzərində Azərbaycan və Türkiyə bayraqları olan avtomobil karvanı şəhərin küçələrini dolaşıb.
Daha sonra tədbir iştirakçıları "Qarabağ Azərbaycandır!" şüarı səsləndirib, həmrəylik və birlik rəqsi olan "Yallı" gediblər.
Mənbə: milli.az