Son.az Trend-ə istinadən bildirir ki, bunu ABŞ-ın Azərbaycandakı sabiq səfiri Robert Sekuta Vaşinqtonda keçirilmiş "Əsrin müqaviləsi: 25 illik uğur" adlı forum zamanı deyib.

O bildirib ki, "Əsrin müqaviləsi"nin imzalanması vacib nailiyyət olub:

"Bu saziş Azərbaycanın dünya enerji sisteminin iştirakçısı kimi dirçəlməsinə, eləcə də beynəlxalq neft şirkətlərinin Xəzər regionunda aktiv fəaliyyətinə yol açdı. Müqavilə dünya neft bazarlarına yeni tədarüklər hesabına beynəlxalq enerji təhlükəsizliyini təkmilləşdirməyə imkan verdi".

Keçmiş səfir əlavə edib ki, "Əsrin müqaviləsi" həm də Azərbaycana kapital axınını təmin etdi.