Əli Əhmədov: ""Qarabağ Azərbaycandır!" Hərəkatı yaratmalıyıq"


Siyasət 09 Okt 2019 11:42:00 75 0

Əli Əhmədov: ""Qarabağ Azərbaycandır!" Hərəkatı yaratmalıyıq"

Baş nazirin müavini, hakim Yeni Azərbaycan Partiyasının (YAP) sədr müavini-icra katibi Əli Əhmədov "Qarabağ Azərbaycandır!" Hərəkatının yaradılmasını təklif edib.

Son.az Trend-ə istinadən xəbər verir ki, Əli Əhmədov bildirib ki, Prezident İlham Əliyevin Soçi şəhərində "Valday" beynəlxalq diskussiya klubunda səsləndirdiyi "Qarabağ Azərbaycandır!" mesajı gündəmin əsaslı surətdə dəyişdirilməsinə gətirib çıxarıb.

Ə.Əhmədovun sözlərinə görə, Qarabağ münaqişəsi başlayandan bu günə qədər heç zaman səngiməyən vətənpərvərlik əhval-ruhiyyəsi son illərin ən yüksək pilləsinə yüksəlib: "Ali Baş Komandanın rəhbərliyi altında xalqımızın münaqişəni ədalətli şəkildə nizamlamaq, torpaqlarımızı qeyd-şərtsiz geri qaytarmaq əzminə və qabiliyyətinə inam qat-qat artıb. Əslində Prezidentin "Qarabağ Azərbaycandır!" çağırışı indiki dövrün milli ideyası statusunu qazanmaqdadır. Yüz minlərlə vətəndaşın bu çağırışa səs verərək onun ətrafında toplanması aydın şəkildə müşahidə olunur. Çox keçmədən bu sırada olanların sayının milyonlara çatacağına şübhə etmirəm. Azərbaycanın ərazi bütövlüyünün təmin olunması, topraqlarımızın işğaldan azad edilməsi ölkənin vətəndaşlarını birləşdirən başlıca dəyərlərdən biridir. Milli birlik və vətəndaş həmrəyliyi əhəmiyyətli dərəcədə onun əsasında formalaşıb. Prezident İlham Əliyev Valday beynəlxalq toplantısında "Qarabağ Azərbaycandır!" çağırışını səsləndirməklə qeyd olunan dəyərin milli statusunu daha da yüksəltmiş oldu. İndi biz onu tam qətiyyətlə milli ideya kimi səciyyələndirə bilərik. Yəqin ki bu ən doğru addım və dəyərləndirmə olar. Xüsusi vurğulanmağa ehtiyacı olan məqam "Qarabağ Azərbaycandır!" mesajı, əgər belə demək mümkündürsə, beynəlxalq auditoriyaya, dünya ictimaiyyətinə və təşkilatlarına ünvanlanmışdır. Nə məlum münaqişə, nə onun hələlik aradan qaldırılmamış nəticələri, nə də nizamasalma prosesi Qarabağın mənsubiyyətini dəyişdirmir, dəyişdirə bilməz və dəyişdirməyəcək - Prezidentin bütün dünyaya çatdırdığı mesajın mahiyyəti məhz bundan ibarətdir. İlham Əliyevin bir çox dövlət başçılarının, çoxsaylı beynəlxalq siyasi ekspertlərinin və mətbuat nümayəndələrinin qarşısında cəsarət və qətiyyət nümunəsi sayıla biləcək çıxışının arxasında möhtəşəm gücün dayandığı heç kimdə şübhə yaratmır. Bu güc hər şeydən əvvəl xalqın iradəsi, Azərbaycanın silahlı qüvvələrinin döyüş qabiliyyəti, nəyin bahasına olursa olsun torpaqlarımızı işğaldan azad etmək əzmidir. Bu güc eyni zamanda beynəlxalq hüquqa, onun ədalətli mahiyyətinə inamdan irəli gəlir. Mətbuatdan göründüyü kimi, Prezident İlham Əliyevin mesajı bütün lazımi ünvanlara lazımi səviyyədə çatıb. Onu ilk növbədə və əsas etibarilə Ermənistanda eşidiblər və yəqin ki, gərəkli nəticə çıxarıblar".

Ə.Əhmədov qeyd edib ki, "Qarabağ Azərbaycandır!" çağırışı milli ruhu və iradəni inanılmaz dərəcədə yüksəldə bilib: "Onun birləşdirici xarakterinin və gücünün davamlı olacağı, ümummilli mahiyyət kəsb edəcəyi şəksizdir. Gözlərimizin önündə yeni bir hərəkat yaranır, "Qarabağ Azərbaycandır!" hərəkatı. Hər bir azərbaycanlının, hər bir vətənpərvərin yeri bu hərəkatdadır. İnanıram ki, bu hərəkat əzəmətli bir selə bənzəyəcək, bütün Azərbaycan xalqını əhatə edəcək. Hər yerdə, kəndlərdə, şəhərlərdə, təşkilatlarda böyüklü-kiçikli hamı "Qarabağ Azərbaycandır!" deyəcək. Xalq öz birliyini, həmrəyliyini yenə də daha əzmlə, daha qətiyyətlə göstərəcək, daha uca səslə bəyan edəcək. Və bu birliyi pozmağa çalışanlara layiqli cavab verəcək. Təxribat törətmək, sabitliyi pozmaq, ara qarışdırmaq niyyəti ilə küçələrə çıxıb yersiz çağırışlar edənlərin xalqdan və onun ideyalarından nə qədər uzaq düşdüyü bu günlərdə daha qabarıq görünür. Sanki onlar bu ölkənin vətəndaşı, bu millətin övladları deyil. Açığı belə bir mənzərəni görmək və duymaq həm təəssüfləndirici, həm də utandırıcıdır.

Təsəlli verən odur ki, xalqdan ayrı düşüb fərqli, eyni zamanda zərərli maraqların daşıyıcısı olanların sayı çox deyil. Mən hər bir azərbaycanlını "Qarabağ Azərbaycandır!" hərəkatının fəal iştirakçısı olmağa səsləyirəm. Gəlin bir cəsarətli çağırışı ilə dünyaya səs salan, milli ruhu yüksəldən, milli birliyimizi və vətəndaş həmrəyliyini daha da gücləndirən Prezident İlham Əliyevin ətrafında sıx birləşək. Qüdrətli, möhtəşəm "Qarabağ Azərbaycandır!" hərəkatı yaradaq, xalqımızın iradəsini, əzmini və qətiyyətini düşmənə nümayiş etdirək. Beynəlxalq birlik, ilk növbədə BMT, ATƏT-in Minsk qrupu, onun həmsədri olan vasitəçilər danışıqlar prosesində böyük müdriklik, təmkin, eyni zamanda qəti və sarsılmaz mövqe nümayiş etdirən Prezident İlham Əliyevin arxasında möhtəşəm xalq iradəsinin və hərəkatının dayandığına əmin olsun. Dövlətə, millətə sədaqətin, Qarabağ münaqişəsinin ədalətli həllinə dəstəyin ən mühüm ifadəsini mən bunda görürəm".

Şvartsenegger Rusiyada universitetin fəxri professoru oldu like
  • 09 Okt 11:40  
Digərləri Şvartsenegger Rusiyada universitetin fəxri professoru oldu

Amerikalı aktyor, sahibkar və siyasətçi Arnold Şvartsenegger Rusiyanın &qu

arrow Ətraflı
Əli Əhmədov: “Qarabağ Azərbaycandır!” Hərəkatı yaratmalıyıq like
  • 09 Okt 11:39  
Digərləri Əli Əhmədov: “Qarabağ Azərbaycandır!” Hərəkatı yaratmalıyıq

Baş Nazirin müavini, hakim Yeni Azərbaycan Partiyasının (YAP) sədr müavin

arrow Ətraflı
Cinayət törətməkdə şübhəli bilinən 46 nəfər saxlanılıb like
  • 09 Okt 11:35  
Digərləri Cinayət törətməkdə şübhəli bilinən 46 nəfər saxlanılıb

Oktyabrın 8-dən 9-dək daxili işlər orqanlarında qeydə alınmış cinayət

arrow Ətraflı
Yurçeviç:  "İlk dəfədir ki, heyətlə bağlı bu qədər ciddi problemlərimiz var" like
  • 09 Okt 11:35  
İdman Yurçeviç: "İlk dəfədir ki, heyətlə bağlı bu qədər ciddi problemlərimiz var"

"Səfərimiz yaxşı keçdi. Amma ümumilikdə, ilk dəfədir ki, hey

arrow Ətraflı
Coğrafiya İnstitutu: Xəzər dənizi regionunun ekoloji vəziyyəti olduqca gərgindir like
  • 09 Okt 11:28  
Digərləri Coğrafiya İnstitutu: Xəzər dənizi regionunun ekoloji vəziyyəti olduqca gərgindir

Sahilində 20 milyon insanın yaşadığı Xəzər dənizi regionunun ekoloji v

arrow Ətraflı
Afaq Gəncəli özünü "Malena"ya bənzətmək istədi, like
  • 09 Okt 11:26  
Şou-biznes Afaq Gəncəli özünü "Malena"ya bənzətmək istədi,

Aparıcı Afaq Gəncəli paylaşdığı foto ilə sosial mediada müzakirə olun

arrow Ətraflı
UNEC Yunanıstanda ilk Məzun Günü keçirdi (FOTO) like
  • 09 Okt 11:24  
Digərləri UNEC Yunanıstanda ilk Məzun Günü keçirdi (FOTO)

UNEC ilə Qərbi Makedoniya Universiteti arasında imzalanan beynəlxalq əməkd

arrow Ətraflı
Dünya ölkələrini zəfəranla təmin edən iri şirkət yaradılır like
  • 09 Okt 11:19  
Digərləri Dünya ölkələrini zəfəranla təmin edən iri şirkət yaradılır

İran gələn 2 il ərzində zəfəran istehsalı üzrə iri şirkət yaradacaq.

arrow Ətraflı
Hande Erçel Mevlananın qızı rolunda like
  • 09 Okt 11:17  
Digərləri Hande Erçel Mevlananın qızı rolunda

Türkiyəli aktrisa Hande Erçel "Aşk sarhoşu" filminə çəkiləcə

arrow Ətraflı
Hüseynin kortejlə avtoşluğuna görə həbslər başladı  VİDEO like
  • 09 Okt 11:13  
Dünya Hüseynin kortejlə avtoşluğuna görə həbslər başladı VİDEO

Samara vilayətinin qubernatoru Dmitri Azarov oktyabrın 6-sı, gecə saatların

arrow Ətraflı
ADU-da Sovet-Türk kollokviumunun 30 illiyinə həsr olunmuş tədbir keçiriləcək like
  • 09 Okt 11:11  
Digərləri ADU-da Sovet-Türk kollokviumunun 30 illiyinə həsr olunmuş tədbir keçiriləcək

Dəyirmi masada Azərbaycanın və Türkiyənin görkəmli alimləri iştirak ed

arrow Ətraflı
Mourinyo Premyer Liqaya qayıda bilər like
  • 09 Okt 11:09  
İdman Mourinyo Premyer Liqaya qayıda bilər

Joze Mourinyo karyerasını yenidən İngiltərədə davam etdirə bilər.

arrow Ətraflı