Son.az bildirir ki, bunu Trend-ə açıqlamasında Yeni Azərbaycan Partiyasından olan millət vəkili Rauf Əliyev deyib.

Deputat bildirib ki, bu finalın Bakı şəhərində keçirilməsi Azərbaycanın uğurudur:

"Matçın keçiriləcəyi şəhərin müəyyənləşdirilməsi zamanı Bakıya çox güclü rəqiblər var idi. Madrid, İstanbul və digər məşhur şəhərlər içərisindən məhz Bakıya üstünlük verilməsi Azərbaycanın ildən-ilə artan nüfüzundan xəbər verir. Bu, eyni zamanda cənab Prezident İlham Əliyevin rəhbərliyi ilə Azərbaycanda futbol infrastrukturunun yaradılması, yeni stadionların, ələlxüsus Bakı Olimpiya Stadionunun tikintisi də daxil olmaqla həyata keçirilən ümumi siyasətin uğurudur".

R.Əliyev qeyd edib ki, final oyunu dünyanın 200-dən çox ölkəsində yayımlanıb və bir milyarddan çox tamaşaçı təfəindən izlənilib: "Dünyanın bir çox ölkəsindən 30 mindən çox turist oyunu izləmək üçün ölkəmizə səfər edib. Bütün bunlar Azərbycanın dünyada daha geniş miqyasda tanıdılması və təbliğ edilməsində böyük rol oynayır. Gələn il Bakı Olimpiya Stadionunda futbol üzrə Avropa Çempionatının dörd oyununun keçirilməsi nəzərdə tutulub. Səsvermə zamanı Bakıya üstünlük verilməsində AFFA-nın rəhbərliyinin rolu böyük olub. Bu da Azərbaycanın getdikcə artan nüfuzundan xəbər verir. Sözügedən oyunlar da çox yüksək səviyyədə təşkil olunacaq".