Prezident İlham Əliyev: "Şəhid vərəsələrinə 11 min manat verilməsinə başlanıb, təqribən 10 minə yaxın ailə bu pul təminatını alacaq"


Siyasət 17 Dek 2018 14:56:00 261 0

Prezident İlham Əliyev: "Şəhid vərəsələrinə 11 min manat verilməsinə başlanıb, təqribən 10 minə yaxın ailə bu pul təminatını alacaq"

"Şəhid vərəsələrinə 11 min manat verilməsinə başlanıb, təqribən 10 minə yaxın ailə bu pul təminatını alacaq".

Son.az AZƏRTAC-a istinadən xəbər verir ki, bunu Sabunçu rayonunda hərbçilərə yeni mənzillərin verilməsi mərasimində iştirak edən Azərbaycan Prezidenti, Silahlı Qüvvələrin Ali Baş Komandanı İlham Əliyev hərbçilər və onların ailə üzvləri ilə görüşündə deyib.

Dövlətimizin başçısı bildirib: "Əziz hərbçilər, əziz dostlar. Bu gün hərbçilərin həyatında çox əlamətdar bir gündür. Bu gözəl binada 394 hərbçi ailəsinə dövlət tərəfindən mənzillər verilir. Mən sizi bu münasibətlə ürəkdən təbrik edirəm, sizə uğurlar arzulayıram. Arzu edirəm ki, bu gözəl binada rahat yaşayasınız.

Bilirsiniz ki, hərbçilərin sosial müdafiəsinin gücləndirilməsi üçün bir neçə il bundan əvvəl mənim tərəfimdən müvafiq Fərman imzalanmışdır. Fərmana əsasən, qüsursuz xidmət göstərən hərbi qulluqçuların ailələrinə dövlət tərəfindən mənzillər verilir. Bu günə qədər 1279 hərbçi ailəsinə dövlət tərəfindən mənzillər verilib. Mənzillərin hamısı çox gözəldir. Mən bu binaların açılışlarında şəxsən iştirak etmişəm və bu gün də tanış olduğum mənzillər çox rahat, geniş və təmirli mənzillərdir. Azərbaycan nadir ölkələrdəndir ki, belə proqram icra edilir. Bu, bir daha dövlətimizin hərbi qulluqçulara göstərdiyi böyük diqqətin təzahürüdür, bunun nümunəsidir".

İlham Əliyev onu da qeyd edib ki, hərbçilərin xidmət şəraiti də yaxşılaşır: "Son illərdə bir çox hərbi şəhərciklərimizdə əsaslı təmir-bərpa işləri aparılmışdır. Bir çox şəhərciklər yenidən tikilmişdir. Hərbçilərin, əsgər və zabitlərimizin xidmət şəraiti də böyük dərəcədə yaxşılaşıb. Bu gün bizim hərbi şəhərciklərimizin, hərbi hissələrimizin, hərbi bazalarımızın təxminən 75-80 faizi standartlara tam cavab verir. Növbəti illərdə qalan, hələ də təmirə ehtiyacı olan hərbi hissələrin təmiri nəzərdə tutulur. Dövlət bu məqsədlər üçün vəsait ayırır və bundan sonra da ayıracaqdır.

Onu da bildirməliyəm ki, şəhid ailələri, Qarabağ müharibəsi əlilləri üçün də son illərdə minlərlə ev və mənzil tikilib, təhvil verilmişdir. Təkcə bu il 626 şəhid ailəsinə, Qarabağ müharibəsi əlillərinə dövlət tərəfindən mənzillər verilib və gələn il ən azı 800 mənzil veriləcəkdir. Bu kateqoriyadan olan insanlar, eyni zamanda, dövlət tərəfindən minik avtomobilləri ilə təmin olunurlar. Onlara minlərlə avtomaşın verilmişdir".

Prezident vurğulayıb ki, müharibədən əziyyət çəkən soydaşlarımızın da problemləri öz həllini tapır: "Bu il 5800 köçkün ailəsi yeni evlərlə, mənzillərlə təmin edilib. Bu, son illərdə rekord göstəricidir. Biz bu siyasəti gələn il də davam etdirəcəyik.

Siz onu da bilirsiniz ki, builki prezident seçkilərindən dərhal sonra imzaladığım birinci Fərman şəhidlərin vərəsələrinin maddi vəziyyətinin yaxşılaşdırılması haqqında olmuşdur. Vərəsələrə dövlət tərəfindən 11 min manat vəsait verilməsi nəzərdə tutulub. Artıq bu vəsaitin verilməsi prosesi başlamışdır. Təqribən, 10 minə yaxın ailə dövlət tərəfindən bu pul təminatını alacaq. Hazırda siyahılar dəqiqləşdirilir və beləliklə, bu proqramın icrası nəticəsində minlərlə ailə öz maddi vəziyyətini yaxşılaşdıracaq. Bu, dövlətin öz şəhidlərinin qəhrəmanlığına görə göstərdiyi diqqətdir, onların ailələrinə göstərdiyi qayğıdır. Ancaq təbii ki, hər sahədə olduğu kimi, bu sahədə də ədalət prinsipi əsas olmalıdır".

Dövlət başçısı deyib ki, Azərbaycanda ordu quruculuğu prosesi uğurla, sürətlə gedir. Azərbaycan dünyada güclü orduya malik olan ölkələrin sırasındadır: "Ordumuzun maddi-texniki bazası möhkəmlənir, ən müasir texnika, silahlar alınır. Bu il keçirilmiş iki hərbi parad bizim hərbi gücümüzü bütün dünyaya göstərib. Bu gün ordumuz texniki təchizat baxımından dünya miqyasında seçilən ordular sırasındadır. Əlbəttə ki, bizim güclü hərbi potensialımız Ermənistan-Azərbaycan Dağlıq Qarabağ münaqişəsinin həlli üçün əsas amildir. Ordumuzun döyüş qabiliyyəti artır. Bu gün ordumuz istənilən vəzifəni icra etməyə hazırdır, buna qadirdir. Son illərin hadisələri bunu əyani şəkildə göstərir. Deyə bilərəm ki, bu il də Naxçıvan istiqamətində Ermənistan-Azərbaycan sərhədi sahəsində ordumuzun uğurlu əməliyyatı nəticəsində 11 min hektar torpaq tam nəzarətimizə keçmişdir. Biz strateji yüksəklikləri əldə etdik. Bu yüksəkliklərin əldə edilməsi bizə imkan verir ki, Ermənistan ərazisində strateji yollara, kommunikasiyalara tam nəzarət edə bilək. Həm Aprel döyüşləri, həm də uğurlu Naxçıvan əməliyyatı bir daha onu göstərir ki, ordumuz peşəkardır, döyüş qabiliyyəti yüksək səviyyədədir".

İlham Əliyev qeyd edib ki, ordumuzda yüksək ruh mövcuddur və ordumuz istənilən vəzifəni icra edə bilər:

"Əlbəttə, bir daha demək istəyirəm ki, Ermənistan-Azərbaycan Dağlıq Qarabağ münaqişəsinin həlli üçün bütün başqa amillərlə yanaşı, ən birinci amil bizim hərbi gücümüzdür, qüdrətimizdir. Biz gücümüzü artırırıq və artıracağıq. Onu da bildirməliyəm ki, bu il bir çox önəmli kontraktlar imzalanmışdır. Bu kontraktların icrası nəticəsində ölkəmizə ən müasir silahlar və texnika gətiriləcəkdir. Bu gün mövcud olan texnika və silahlar imkan verir ki, biz işğalçıların istənilən hərbi hədəfini yüksək dəqiqlik və böyük dağıdıcı qüvvə ilə darmadağın edə bilək. Əlbəttə, hər bir ölkənin, o cümlədən müharibə şəraitində yaşayan ölkələrin gücünü, ilk növbədə, onun hərbi qüdrəti müəyyən edir.

Ordu quruculuğu prosesində əlbəttə ki, hərbçilərin sosial müdafiəsi, onların mənzil-məişət problemlərinin həlli, xidmət şəraitinin yaxşılaşdırılması xüsusi yer tutur. Bax, bu gözəl binada 400-ə yaxın hərbçi ailəsinin yaşaması dediyim sözlərin bariz nümunəsidir, təsdiqidir. Mən bu gözəl binada yaşayacaq bütün hərbçiləri bu hadisə münasibətilə bir daha təbrik edirəm. Sizi qarşıdan gələn Dünya Azərbaycanlılarının Həmrəylik Günü və Yeni il bayramı münasibətilə təbrik edirəm. Sağ olun".

2019cu ildə Azərbaycandan Almaniyaya ixrac missiyaları gözlənilir like
  • 17 Dek 14:55  
Digərləri 2019cu ildə Azərbaycandan Almaniyaya ixrac missiyaları gözlənilir

"Azərbaycan və Almaniya arasında sıx əməkdaşlığın olduğunu hər

arrow Ətraflı
Rəşid həkim Mübariz İbrahimovu təhqir edən qıza: "Bəlkə də milləti ermənidir" like
  • 17 Dek 14:55  
Digərləri Rəşid həkim Mübariz İbrahimovu təhqir edən qıza: "Bəlkə də milləti ermənidir"

Xəbər verdiyimiz kimi, özünü psixoloq kimi təqdim edən Nərmin Şahmarza

arrow Ətraflı
Xəzər dənizində zəlzələ baş verib like
  • 17 Dek 14:55  
Digərləri Xəzər dənizində zəlzələ baş verib

Xəzər dənizinin Azərbaycan sektorunda zəlzələ baş verib.

arrow Ətraflı
“Şahdağ” Turizm Mərkəzi qış mövsümünü açıq elan edir like
  • 17 Dek 14:51  
Digərləri “Şahdağ” Turizm Mərkəzi qış mövsümünü açıq elan edir

"Şahdağ" Turizm Mərkəzi qış mövsümünü açıq elan edir.

arrow Ətraflı
76 dövlət əmlakı özəlləşməyə çıxarıldı (FOTO) like
  • 17 Dek 14:50  
Digərləri 76 dövlət əmlakı özəlləşməyə çıxarıldı (FOTO)

Əmlak Məsələləri Dövlət Komitəsi 22 yanvar tarixində növbəti hərrac

arrow Ətraflı
Keçmiş müdafiəçi od püskürdü like
  • 17 Dek 14:48  
İdman Keçmiş müdafiəçi od püskürdü

Manchester United-in keçmiş müdafiəçisi Qa

arrow Ətraflı
Oktayın verilişdə Sərxana yaxınlaşması hamını həyəcanlandırdı  VİDEO like
  • 17 Dek 14:46  
Şou-biznes Oktayın verilişdə Sərxana yaxınlaşması hamını həyəcanlandırdı VİDEO

Ötən gün "Maşın" şouda tamaşaçı qismində iştirak edənlər arasında

arrow Ətraflı
Nadir məşhur xanımın ətəyini qaldırdı  VİDEO like
  • 17 Dek 14:42  
Şou-biznes Nadir məşhur xanımın ətəyini qaldırdı VİDEO

Nadir Qafarzadə və prodüser Mədinə Məlik məclislərdən birində kamerala

arrow Ətraflı
Gürcüstandan gələn avtomobilin benzin çənində pirotexniki vasitələr aşkarlanıb (FOTO/VİDEO) like
  • 17 Dek 14:41  
Digərləri Gürcüstandan gələn avtomobilin benzin çənində pirotexniki vasitələr aşkarlanıb (FOTO/VİDEO)

Qərb Ərazi Baş Gömrük İdarəsinin "Qırmızı Körpü" gömrük postunun i

arrow Ətraflı
PA rəsmisi: "Azərbaycandan İnsan Hüquqları üzrə Avropa Məhkəməsinə şikayətlərin sayı azalır" like
  • 17 Dek 14:40  
Siyasət PA rəsmisi: "Azərbaycandan İnsan Hüquqları üzrə Avropa Məhkəməsinə şikayətlərin sayı azalır"

Azərbaycandan İnsan Hüquqları üzrə Avropa Məhkəməsinə edilən şikayə

arrow Ətraflı
Muğam Mərkəzində musiqi məktəbi haqqında filmin premyerası keçirilib  FOTO like
  • 17 Dek 14:37  
Kriminal Muğam Mərkəzində musiqi məktəbi haqqında filmin premyerası keçirilib FOTO

Muğam Mərkəzində Bülbül adına orta ixtisas musiqi məktəbi haqqında fil

arrow Ətraflı