Müharibə bitməyib


Siyasət 11 İyn 2018 12:25:00 72 0

Müharibə bitməyib

"Dağlıq Qarabağ münaqişəsi həll olunmayana qədər Azərbaycana müasir silahlar lazım olacaq. Silahlanmaya milyardlarla dollar xərcləmək məcburiyyətində olan Azərbaycanın silah aldığı ölkələr, əsasən, Rusiya, İsrail, Türkiyə, Ukrayna və Belarusdur. Hazırda Azərbaycan bu coğrafiyanı genişləndirməyə çalışır.

Müxtəlif ölkələrin Azərbaycandakı səfirliklərində hərbi attaşelər var. Bu hərbi attaşelər obyektiv olaraq öz ölkələrinin silahlarını Azərbaycana satmaq istəyirlər. Digər tərəfdən, Azərbaycanda istehsal olunan silahların da öz ölkələrinə satılmasında maraqlıdırlar. Ancaq burada bir neçə faktor var ki, onlar bəzən hərbi əməkdaşlığa mane olur".

Son.az xəbər verir ki, bu barədə "Atlas" Araşdırmalar Mərkəzinin rəhbəri, siyasi ekspert Elxan Şahinoğlu bildirib.

Politoloq qeyd edib ki, əgər silahlar və onların ehtiyat hissələrinin Azərbaycana gətirilməsində problem varsa, hərbi əməkdaşlığın miqyası azaldılmalıdır: "Azərbaycan son illərdə Rusiyadan milyardlarla dollar həcmində silah və hərbi texnika alıb. Ancaq silah almaq yetərli deyil. Bundan sonra silahlar yoxlanmalıdır. Digər tərəfdən, hərbi texnikanın işlək vəziyyətində olması üçün onun hissələri də Azərbaycana gətirilməlidir. Deməli, əgər silahlarda müəyyən problemlər varsa və silah alındıqdan sonra ona lazım olan hissələrin Azərbaycana gətirilməsində problemlər çıxarsa, artıq həmin ölkə ilə hərbi əməkdaşlığın miqyası obyektiv səbəblərdən azalmalıdır.

Misal üçün, bu il ərzində Azərbaycan Rusiyadan hələ silah almayıb. Digər tərəfdən, Azərbaycana silah satışına Rusiyada baş nazirin müavini Dmitri Roqozin məsul idi. Hazırda onun vəzifəsi dəyişib. Roqozin artıq hərbi-sənaye kompleksinə və silah satışına məsul deyil. Bu illərdə Azərbaycanın hökumət üzvləri ilə Roqozin arasında sıx münasibətlər formalaşmışdı. Rusiya hökumətində hərbi-sənaye kompleksinə cavabdeh olan yeni şəxslə isə Azərbaycan arasında hələ sıx əməkdaşlıq yoxdur.

Azərbaycan Rusiyadan aldığı silah qədər İsraildən də silah alır. Eyni tələblər İsrailin hərbi texnikası üçün də keçərlidir. Yəni silahlar işlək vəziyyətdə olmalıdır və silahların hissələri daima Azərbaycana gətirilməlidir. İsrailin Azərbaycana silah satışında məhdudiyyəti yoxdur".

E.Şahinoğlunun sözlərinə görə, son illər Azərbaycanla Ukrayna arasında da hərbi əməkdaşlıq inkişaf edir: "Azərbaycan Ukraynanın istehsal etdiyi hərbi texnikaya maraq göstərir. Eyni ilə Ukraynanın da Azərbaycanda istehsal olunan hərbi texnikaya marağı var. Ukraynada istehsal olunan hərbi texnikanın böyük hissəsi daxili tələbat üçün istifadə olunur. Ona görə hələ ki, Ukrayna xarici ölkələrə çox silah sata bilmir. Buna baxmayaraq, Ukrayna Azərbaycanın maraq göstərdiyi silah növlərinin alışına da "yox" demir. Ukrayna ilə Azərbaycanı daha bir mövzu birləşdirir - separatizmlə mübarizə.

Azərbaycan müstəqilliyini qazandığı 1991-ci ildən separatçılarla mübarizə aparır. Ukrayna isə separatçılarla 4 ildir mübarizə aparır. Ona görə də Azərbaycanın təcrübəsi Ukrayna tərəfindən öyrənilir. Azərbaycanın da Ukraynanın separatçılarla savaş təcrübəsini öyrənməyə ehtiyacı var. Çünki Donbasda da atəşkəs daima pozulur və pozisiya döyüşləri gedir".

Türkiyənin Azərbaycana daha çox silah sata biləcəyini deyən ekspertin fikrincə, Türkiyənin istehsal etdiyi silahların Azərbaycan üçün niyə faydalı olduğunu da izah edib: "Türkiyə Azərbaycanın strateji müttəfiqidir. Son illərdə Türkiyədə hərbi texnikanın istehsalı artıb. Türkiyədə istənilən silah növü və hərbi texnika istehsal olunur. Ona görə də Türkiyə Azərbaycana daha çox silah sata bilər. Bu Azərbaycan üçün də vacibdir. Çünki Türkiyə NATO ölkəsidir və istehsal etdiyi silahlar yüksək standartlara cavab verir. Digər tərəfdən, Türkiyə ordusu illərdir terrorçularla dağlarda savaş aparır və istehsal olunan silah növləri dağ şəraitində aparılan döyüşlər üçün uyğunlaşdırılıb. Dağlıq Qarabağın böyük hissəsi də dağlıq ərazidir. Ona görə də Türkiyənin istehsal etdiyi silahlar Azərbaycan üçün faydalıdır".

Onun fikrincə, Avropa ölkələri Azərbaycanla hərbi-texniki əməkdaşlıqda maraqlı olmalıdırlar: "Azərbaycan Avropa ölkələrindən Çexiyada istehsal olunan silahlara da maraq göstərir: Doğrudur, Çexiya Avropa İttifaqı və NATO ölkəsidir. Avropa ölkələri Azərbaycana və Ermənistana silah satmırlar. Çünki Avropa həm Azərbaycanla, həm də Ermənistanla əməkdaşlıq edir. Avropada düşünürlər ki, onların satdığı silahlardan Azərbaycan və Ermənistan bir-birlərinə qarşı istifadə edəcəklər. Buna görə də Cənubi Qafqaz ölkələrinə silah satmaq istəmirlər. Ancaq bu qərar Avropa üçün faydalı deyil. Çünki Azərbaycan Avropadan ala bilmədiyi silahları başqa ölkələrdən alacaq və bütün gəlir həmin ölkəyə çatacaq.

Rusiya həm Azərbaycanı, həm də Ermənistanı özünün tərəfdaşı sayır və hər iki ölkəyə silah satır. İsrail isə yalnız Azərbaycana satır. Əlbəttə, bu Ermənistan hakimiyyətinin xoşuna gəlmir. Çünki Ermənistan kasıb ölkədir və böyük həcmdə silah ala bilmir. Azərbaycan isə silahlanmaya milyardlarla dollar xərcləyir. Avropa İttifaqı Azərbaycanla siyasi, iqtisadi və enerji əməkdaşlığının genişləndirir. Ona görə də Avropa İttifaqı ölkələrinin Azərbaycanla hərbi əməkdaşlığını genişləndirməsi də mümkündür. Əgər Avropa dövlətləri Azərbaycana lazım miqdarda silah satsalar, Azərbaycan silah və hərbi texnikanın alınmasında Rusiyadan asılı olmaz. Bu Avropanın da xeyrinədir".

Mərkəzin rəhbəri hesab edir ki, Rusiya Azərbaycanın Ukrayna, Türkiyə, Belarus kimi ölkələrdən silah almasını istəmir. Rusiya müxtəlif vasitələrlə buna mane olmağa çalışır. Ancaq Azərbaycanın tamamən Rusiyadan asılı olması da Azərbaycanın təhlükəsizlik maraqlarına cavab vermir: "Silah və hərbi texnika alışı diversifikasiya olunmalıdır. Azərbaycan ən keyfiyyətli silahlarlara və hərbi texnikaya üstünlük verməlidir. Bu elə silahlar olmalıdır ki, döyüşdə özünü keyfiyyətli göstərsin və həmin hərbi texnikanın hissələri daima Azərbaycana gətirilsin".

İlkin İzzət Son.az

Yevlaxda zəncirvari qəza: like
  • 11 İyn 12:16  
Digərləri Yevlaxda zəncirvari qəza:

Yevlax rayonunda zəncirvari yol qəzası baş verib.

arrow Ətraflı
"Paşinyan məsuliyyəti üzərindən atmaq üçün belə sərsəm fikirlər söyləyir" like
  • 11 İyn 12:15  
Siyasət "Paşinyan məsuliyyəti üzərindən atmaq üçün belə sərsəm fikirlər söyləyir"

Ermənistanın Baş naziri Nikol Paşinyanın Azərbaycanın işğal olunmuş ə

arrow Ətraflı
Lotu Quli İstanbula kimin toyuna gəlib? FOTO like
  • 11 İyn 12:14  
Digərləri Lotu Quli İstanbula kimin toyuna gəlib? FOTO

İstanbulda 36 yaşlı "qanuni oğru" Nikolay Dqeçuadzenin (Nika Qaqr

arrow Ətraflı
"Taliban" 15 hərbçini öldürdü like
  • 11 İyn 12:12  
Dünya "Taliban" 15 hərbçini öldürdü

Əfqanıstanın şimalında Qunduz əyalətində "Taliban" silahlılar

arrow Ətraflı
Müəllimlərin sertifikasiyası ilə bağlı xüsusi qaydalar hazırlanacaq like
  • 11 İyn 12:08  
Digərləri Müəllimlərin sertifikasiyası ilə bağlı xüsusi qaydalar hazırlanacaq

Müəllimlərin sertifikasiyası ilə bağlı xüsusi qaydalar hazırlanacaq.

arrow Ətraflı
Şagirdi ilə cinsi əlaqədə olan müəllim uşağa qaldı like
  • 11 İyn 12:03  
Dünya Şagirdi ilə cinsi əlaqədə olan müəllim uşağa qaldı

ABŞ-da bir məktəbin ailəli olan ingilis dili müəllimi 15 yaşlı şagird

arrow Ətraflı
Fuad Muradov Gürcüstanda yaşayan azərbaycanlılarla görüşəcək like
  • 11 İyn 12:02  
Digərləri Fuad Muradov Gürcüstanda yaşayan azərbaycanlılarla görüşəcək

Diasporla İş üzrə Dövlət Komitəsinin sədri Fuad Muradovun rəhbərlik et

arrow Ətraflı
"InvestAZ”dan dünya maliyyə bazarları ilə bağlı həftəlik analiz like
  • 11 İyn 11:58  
Digərləri "InvestAZ”dan dünya maliyyə bazarları ilə bağlı həftəlik analiz

InvestAZ İnvestisiya şirkətinin analitikləri bu həftə üzrə dünya maliyy

arrow Ətraflı
İnterpolun rəis müavini və "ATA Bank"ın sədri məhkəməyə məcburi gətiriləcək like
  • 11 İyn 11:54  
Digərləri İnterpolun rəis müavini və "ATA Bank"ın sədri məhkəməyə məcburi gətiriləcək

Bakı Ağır Cinayətlər Məhkəməsində külli miqdarda dələduzluqda təqsi

arrow Ətraflı
Bakıda 3 mərkəzi ərazidə hərəkət məhdudlaşdırılacaq like
  • 11 İyn 11:52  
Digərləri Bakıda 3 mərkəzi ərazidə hərəkət məhdudlaşdırılacaq

Bakıda 3 mərkəzi ərazidə hərəkət məhdudlaşdırılacaq

arrow Ətraflı
DÇ-2026-ya namizəd ölkələr təsdiqləndi like
  • 11 İyn 11:52  
İdman DÇ-2026-ya namizəd ölkələr təsdiqləndi

FİFA 2026-cı il dünya çempionatını keçirmək &uum

arrow Ətraflı