XİN Laçının işğalının 26cı ildönümü ilə bağlı bəyanat yaydı


Siyasət 17 May 2018 10:32:00 60 0

XİN Laçının işğalının 26cı ildönümü ilə bağlı bəyanat yaydı

Xarici İşlər Nazirliyi Laçının işğalının 26-cı ildönümü ilə bağlı bəyanat yayıb.

Nazirlikdən Son.az-a verilən məlumata görə, bəyanatda deyilir:

"Ermənistan Respublikasının Azərbaycan Respublikasına qarşı hərbi təcavüzünün davamı kimi 18 may 1992-ci ildə keçmiş Dağlıq Qarabağ Muxtar Vilayətinin tərkibinə daxil olmayan Laçın rayonu işğal olunub.

İşğal nəticəsində Laçın rayonunun əhalisi etnik təmizləməyə məruz qalıb və hal-hazırda 77 min nəfərdən artıq Laçın sakini Azərbaycanın müxtəlif bölgələrində məcburi köçkün qismində yaşayır. Ermənistan tərəfindən rayonda dövlət və özəl mülkiyyətə ciddi zərər yetirilib. Belə ki, 217 mədəniyyət, 101 təhsil, 142 səhiyyə müəssisəsi, 462 ticarət, 30 rabitə, 2 avtonəqliyyat və müxtəlif təyinatlı istehsal müəssisələri talan və məhv edilib.

54 dünya, 200-dən çox yerli əhəmiyyətli tarixi abidə vandalizmə məruz qalıb. 6-cı əsrə aid Alban Ağoğlan məbədi, 14-cü əsrə aid Məlik Əjdər türbəsi, Qaraqışlaq kəndində məscid, Zabux kəndində qədim qəbiristanlıq bunların sırasındadır. Laçın Tarix Muzeyi və onun qızıl, gümüş və tunc sikkələrdən ibarət qədim kolleksiyası talan edilib. Həmçinin, talan edilmiş Laçın Tarix Muzeyinin eksponatı olan gümüş əl çantası Londonda Sotheby`s auksionunda 80 min ABŞ dollarına satılıb.

Ermənistan işğalçı tərəf olaraq Cenevrə Konvensiyaları ilə üzərinə düşən öhdəliklərini kobud şəkildə pozaraq, Laçın rayonunda coğrafi adların dəyişdirilməsi, rayonun təbii resurslarının talan edilməsi və qazanc mənbəyinə çevrilməsi, əsasən Suriyadan olan erməni əsilli qaçqınlar olmaqla məqsədyönlü məskunlaşma siyasətini apararaq demoqrafik tərkibin dəyişdirilməsi kimi qeyri-qanuni əməllərini davam etdirir.

Avropa İnsan Hüquqları Məhkəməsi "Çıraqov və digərləri Ermənistana qarşı" işi üzrə Azərbaycanın Laçın rayonundan məcburi qovulmuş Azərbaycan vətəndaşlarının xeyrinə qərar qəbul edərək onların İnsan Hüquqları və Fundamental Azadlıqların qorunmasına dair Konvensiya üzrə mülkiyyət hüququ, şəxsi və ailə həyatına hörmət kimi hüquqlarının pozulduğunu təsbit edib. Həmçinin, qərarın 19-20-ci paraqraflarda Laçın rayonu, ələlxüsus Laçın şəhərinin hərbi hücuma məruz qalması, 1992-ci il may ayının ortalarında Laçının havadan bombardman edilməsi və bunun nəticəsində çoxlu sayda evlərin dağıdılması, şəhərin talan edilməsi və yandırılması, hərbi münaqişə dövründə Laçın və ətraf kəndlərin tamamilə dağıdılması öz təsdiqini tapıb.

Azərbaycanın Dağlıq Qarabağ bölgəsinin və ətraf rayonların Ermənistan silahlı qüvvələri tərəfindən işğalı, işğal olunmuş rayonların azərbaycanlı sakinlərinə qarşı etnik təmizləmənin törədilməsi Ermənistanın əsl niyyətinin hərbi təcavüz və işğal yolu ərazi əldə edilməsi olduğunu qabarıq şəkildə nümayiş etdirir.

Ermənistanın kəskinləşən hərbi təcavüzü şəraitində BMT-nin Təhlükəsizlik Şurası 1993-cü ildə 822 (1993), 853 (1993), 874 (1993) və 884 (1993) saylı qətnamələri qəbul edərək, Azərbaycan ərazilərinin işğalını pisləyib, Azərbaycanın ərazi bütövlüyü, suverenliyini və Dağlıq Qarabağın Azərbaycanın ayrılmaz hissəsi olduğunu bir daha təsdiq edərək işğalçı qüvvələrinin zəbt olunmuş ərazilərdən dərhal, qeyd-şərtsiz və tam çıxarılmasını tələb edib. Ermənistan BMT Təhlükəsizlik Şurasının qətnamələrinin tələblərini yerinə yetirməyərək işğal olunmuş Azərbaycan ərazilərinin ilhaq edilməsinə (anneksiya) yönəlmiş siyasət yürüdür.

Beynəlxalq hüququn imperativ normaları və BMT Nizamnaməsinə zidd olaraq Ermənistan tərəfindən Azərbaycana qarşı qeyri-qanuni gücdən istifadənin, həmçinin Azərbaycanın işğal olunmuş ərazilərindən 700.000-dən artıq köklü Azərbaycan əhalisinin zorla qovulması ilə onların fundamental hüquq və azadlıqlarının kütləvi pozulmasının nəticələrinin Ermənistan tərəfindən Azərbaycanın Dağlıq Qarabağ bölgəsində yaşayan sayı 90.000-dən az olan erməni azlığın "öz müqəddəratını təyin etmək" və "insan hüquqları" kontekstində təqdim etmək cəhdləri cəfəngiyatdır və heç bir mənəvi, hüquqi və siyasi çərçivəyə sığmır.

Ermənistan nəhayət başa düşməlidir ki, Azərbaycan ərazilərinin işğal altında saxlanması heç zaman Ermənistanın güddüyü siyasi nəticələri verə bilməz və işğala əsaslanan status-kvo Ermənistanın özünü təcridinin və bugünkü sistematik sosial-iqtisadi və demoqrafik böhranının əsas səbəblərindəndir. Azərbaycan ərazilərinin işğalına son qoyulması və Ermənistan qoşunlarının Azərbaycanın işğal olunmuş ərazilərindən çıxarılması hərtərəfli regional əməkdaşlıq üçün imkanlar aça və davamlı sülhün təmin olunmasına töhfə verə bilər.

Azərbaycan Respublikasının ərazi bütövlüyü və suverenliyinin bərpa edilməsi, Laçın, habelə ölkənin digər işğal olunmuş rayonlarından olan məcburi köçkünlərin öz doğma torpaqlarına qayıtmaq kimi hüquqlarının təmin edilməsi və ümumilikdə münaqişənin ağır fəsadlarının aradan qaldırılması beynəlxalq ictimaiyyətinin öhdəliyi olmaqla yanaşı, BMT Nizamnaməsində təsbit edildiyi kimi Azərbaycan dövlətinin şəksiz ayrılmaz hüququdur.

Azərbaycan tərəfi münaqişənin tezliklə həlli istiqamətində beynəlxalq səylərinin artırılmasını dəstəkləyərək beynəlxalq səviyyədə tanınmış sərhədləri daxilində ərazi bütövlüyü və suverenliyini və vətəndaşlarının pozulmuş hüquqlarını bərpa etmək hüququnu özündə saxlayır".

Alpinistlərin meyitlərinin tapıldığı YER məlum oldu like
  • 17 May 10:30  
Digərləri Alpinistlərin meyitlərinin tapıldığı YER məlum oldu

Quba rayonunda dağlıq ərazidə itkin düşmüş "Gilavar" - hava v

arrow Ətraflı
Abituriyentlərin nəzərinə: Ərizə qəbulu sistemi yenidən aktiv edilib like
  • 17 May 10:30  
Digərləri Abituriyentlərin nəzərinə: Ərizə qəbulu sistemi yenidən aktiv edilib

Ali təhsil müəssisələrinə və tam (11 illik) orta təhsil bazasında orta

arrow Ətraflı
BANM-da yeni ixtisas: İnformasiya təhlükəsizliyi like
  • 17 May 10:28  
Digərləri BANM-da yeni ixtisas: İnformasiya təhlükəsizliyi

Bakı Ali Neft Məktəbində (BANM) 2018/2019 tədris ilindən etibarən yeni ix

arrow Ətraflı
Azərbaycanda  "Ödəniş xidmətləri haqqında" qanun layihəsi hazırlanıb like
  • 17 May 10:24  
İqtisadiyyat Azərbaycanda "Ödəniş xidmətləri haqqında" qanun layihəsi hazırlanıb

MBNP: "Ödəniş xidmətləri təchizatçılarının hüquqi çərçivəsi forma

arrow Ətraflı
Azərbaycanda nağdsız hesablaşmalara keçid üzrə yeni proqram qəbul olunacaq (FOTO) like
  • 17 May 10:24  
Digərləri Azərbaycanda nağdsız hesablaşmalara keçid üzrə yeni proqram qəbul olunacaq (FOTO)

Azərbaycan Mərkəzi Bankı nağdsız hesablaşmalara keçid üzrə yeni proqra

arrow Ətraflı
Azərbaycanda gündə qeydiyyat üçün 1500 əcnəbi müraciət edir like
  • 17 May 10:20  
Digərləri Azərbaycanda gündə qeydiyyat üçün 1500 əcnəbi müraciət edir

Azərbaycanda gün ərzində olduğu yer üzrə qeydiyyata alınması ilə bağl

arrow Ətraflı
Dünyanın gözlədiyi toya az qaldı  FOTO like
  • 17 May 10:18  
Digərləri Dünyanın gözlədiyi toya az qaldı FOTO

Mayın 19-da, şənbə günü Britaniya kraliçası 2-ci Yelizavetanın nəvəsi

arrow Ətraflı
Millimiz Gürcüstana uduzdu like
  • 17 May 10:16  
İdman Millimiz Gürcüstana uduzdu

20 yaşadək futbolçulardan ibarət Azərbaycan yığması yolda

arrow Ətraflı
Özbəkistana sel gəldi, 5 nəfəri apardı like
  • 17 May 10:14  
Digərləri Özbəkistana sel gəldi, 5 nəfəri apardı

Özbəkistanın Kaşkadarin vilayətində sel 5 nəfərin həyatına son qoyub.

arrow Ətraflı
Alpinistlərin meyitləri ailələrinə təhvil verildi (ÖZƏL) like
  • 17 May 10:14  
Digərləri Alpinistlərin meyitləri ailələrinə təhvil verildi (ÖZƏL)

Quba rayonunda dağlıq ərazidə itkin düşmüş “Gilavar" - hava və ekstri

arrow Ətraflı
Azərbaycan nefti ucuzlaşıb like
  • 17 May 10:14  
Digərləri Azərbaycan nefti ucuzlaşıb

Azərbaycan neftinin qiyməti azalıb.

arrow Ətraflı
Əcnəbilərin Azərbaycanda olduğu yer üzrə qeydiyyatı ASANlaşdı like
  • 17 May 10:10  
Digərləri Əcnəbilərin Azərbaycanda olduğu yer üzrə qeydiyyatı ASANlaşdı

Dövlət Miqrasiya Xidməti ilə Azərbaycan Prezidenti yanında Vətəndaşlara

arrow Ətraflı
Əcnəbilərin olduğu yer üzrə qeydiyyatı ASAN xidmət həyata keçirəcək like
  • 17 May 10:09  
Sosial Əcnəbilərin olduğu yer üzrə qeydiyyatı ASAN xidmət həyata keçirəcək

Dövlət Miqrasiya Xidməti ilə Vətəndaşlara Xidmət və Sosial İnnovasiyal

arrow Ətraflı