ATƏTin ali komissarı: "Dağlıq Qarabağ münaqişəsinin həllində qarşılıqlı fəaliyyət optimist yanaşma tələb edir"
Siyasət 22 Mar 2018 15:44:00 305 0
Dağlıq Qarabağ münaqişəsinin həllində qarşılıqlı fəaliyyət optimist yanaşma tələb edir.
Son.az xəbər verir ki, bunu ATƏT-in milli azlıqlar üzrə ali komissarı Lamberto Zanyer Twitter sosial şəbəkəsində mətbuat konfransı zamanı Trend-in sualına cavab olaraq bildirib.
Ali komissar qeyd edib: "Davam etməkdə olan bütün münaqişələr, o cümlədən Dağlıq Qarabağ münaqişəsində qarşılıqlı fəaliyyət optimist yanaşma və prinsipiallıq tələb edir".
Qeyd edək ki, 1988-ci ildə Ermənistan tərəfindən Azərbaycana qarşı ərazi iddiaları başlayıb.
Bir müddət sonra isə Ermənistan tərəfindən Azərbaycan ərazilərinə hərbi təcavüz başlanıb. Dağlıq Qarabağ və ona sərhəd yeddi rayon - Azərbaycan ərazisinin 20 faizi - Ermənistan silahlı qüvvələri tərəfindən işğal olunub. Bu işğal faktoru hələ də davam edir.
Mənbə: milli.az