Müstəqil Dövlətlər Birliyinin (MDB) Azərbaycanda aprelin 11-də keçiriləcək Prezident seçkiləri üzrə uzunmüddətli müşahidə missiyasının üzvləri bu gün Bakıya gələcəklər.

Son.az "Report"a istinadən bildirir ki, MDB müşahidə missiyası qərargahının rəhbəri Yevgeni Slobodanın verdiyi məlumata görə, missiyanın üzvləri günün ikinci yarısında paytaxta olacaqlar.

Qeyd edək ki, müşahidə missiyasına MDB-nin İcraiyyə Komitəsinin sədri - icraçı katibi Sergey Lebedev rəhbərlik edəcək.