Fransa XİN: Qarabağ münaqişəsinin danışıqlar yolu ilə həlli prosesini dəstəkləməyə davam edəcəyik
Siyasət 21 Fev 2018 10:07:00 263 0
Fransa Xarici İşlər Nazirliyi bəyanat yayıb
“Fransa Dağlıq Qarabağ münaqişəsinin danışıqlar yolu ilə həlli prosesini dəstəkləməyə davam edəcək”.
“Report” Ermənistan KİV-inə istinadən xəbər verir ki, bu fikirlər Fransa Xarici İşlər Nazirliyinin bəyanatında vurğulanıb.
“Biz münaqişə tərəflərini bu istiqamətdə məsuliyyətli fəaliyyət göstərməyə, xüsusi ilə vəziyyəti gərginləşdirə biləcək addımlar atmamağa çağırırıq”, - Fransa XİN-in bəyanatında bildirilib.
Qeyd edək ki, Fransa Dağlıq Qarabağ münaqişəsinin sülh yolu ilə həlli üçün Azərbaycanla Ermənistan arasında vasitəçilik edən ATƏT-in Minsk qrupunun üç həmsədr (ABŞ və Rusiya ilə birlikdə) ölkəsindən biridir.
Mənbə: report.az