Səfir: "Bolqarıstan Azərbaycanın enerji ehtiyatlarının tədarükü üçün qaz qovşağı ola bilər"
Siyasət 29 Yan 2018 13:22:00 263 0
Bolqarıstan Azərbaycanın enerji ehtiyatlarının Avropaya tədarükü üçün qaz qovşağı ola bilər.
Son.az Trend-ə istinadən xəbər verir ki, bunu Bolqarıstan mətbuatına müsahibəsində Azərbaycanın Sofiyadakı səfiri Nərgiz Qurbanova deyib.
Səfir deyib ki, 2020-ci ildən başlayaraq Azərbaycandan Bolqarıstana 1 milyard kubmetr qaz tədarük olunacaq: "Bu onu ifadə edir ki, Bolqarıstanda 1 milyona yaxın ev təsərrüfatı qazla təmin olunacaq".
N.Qurbanova onu da qeyd edib ki, Azərbaycan qazı Bolqarıstana "Cənub qaz dəhlizi" ilə birləşəcək IGB (Yunanıstan-Bolqarıstan interkonnektoru) vasitəsilə tədarük olunacaq.
Qeyd edək ki, Bolqarıstanın "Bulgargaz" şirkəti SOCAR-la "Şahdəniz-2" yatağından ildə bir milyard kubmetr qazın tədarük olunması barədə müqavilə imzalayıb.
Digər maraqlı xəbərlər Son.az-ın Facebook səhifəsində