“Zəng gəldi ki, uşağınızın vəziyyəti ağırdır”
Kriminal 26 Yan 2018 15:02:00 298 0
Salyan rayonunda iki gənc bıçaqlanıb. Son.az ARB TV xəbər verir ki, hadisə H.Əliyev prospektində baş verib. Belə ki, Salyan sakini 20 yaşlı Məhərrəm Babayev üzərində gəzdirdiyi bıçaqla şəhər sakinləri - 20 yaşlı Nurməmməd Cəfərova 4, 22 yaşlı Toğrul Abdullayevə 7 bıçaq zərbəsi vuraraq qaçıb. Hər iki yaralı Salyan Rayon Mərkəzi Xəstəxanasına çatdırılıb. Əməliyyat olunduqdan sonra Reanimasiya şöbəsinə yerləşdiriliblər və vəziyyətləri ağırdır. Şəlalə Abdullayeva - Toğrulun anası: "Xəstəxanadan zəng gəldi ki, uşağınızın vəziyyəti ağırdır. İkisinin də vəziyyəti ağır idi. 15 baş ailəni o uşaq saxlayırdı. Səbəbini bilmirəm". Hadisəni törədən Məhərrəm Babayevin gizlənmək niyyəti elə ürəyində qalıb. O, Salyan polisi tərəfindən şübhəli şəxs qismində saxlanılaraq şöbəyə aparılıb. Faktla bağlı araşdırmalara başlanılıb.
Mənbə: milli.az