Lənkəranskinin qardaşı polis nəzarətinə götürüldü
Kriminal 10 Yan 2018 10:29:45 318 0
"Sputnik Azərbaycan" 2016-cı ilin avqustunda Türkiyədə qətlə yetirilən "qanuni oğru" Rövşən Canıyevin (Rövşən Lənkəranski) qardaşı Namiq Canıyevin İstanbul məhkəməsinin qərarı ilə azadlığa buraxılması barədə xəbər yayıb.
Sayt Türkiyənin hüquq-mühafizə orqanlarındakı mənbəsinə istinadən bildirib ki, guya Canıyevlə birlikdə ötən ilin noyabrında "qanuni oğru" Nadir Səlifova ("Lotu Quli") qarşı sui-qəsdə cəhddə şübhəli bilinərək saxlanılan digər şəxslər də azad ediliblər.
Son.az xəbər verir ki, virtualaz.org-un səlahiyyətli mənbələrdən əldə etdiyi məlumata görə, bu informasiya həqiqətə uyğun deyil. Namiq Caniev Azərbaycanın 4 vətəndaşı ilə birlikdə yalnız zaminə buraxılıb.
Onlara Türkiyəni tərk etmək qadağan edilib. Üstəlik, onlar, məhkəmə təhqiqatının tamamlanmasına qədər, gündə iki dəfə türk polisində qeydiyyatdan keçməlidirlər.
Mənbə: milli.az