Son.az Trend-ə istinadən bildirir ki, bunu jurnalistlərə açıqlamasında Diaspora Məsələləri üzrə Dövlət Komitəsinin sədri Nazim İbrahimov deyib.

O bildirib ki, Prezident İlham Əliyevin apardığı uzaqgörən siyasət ilə hər il Azərbaycan inkişaf edir, dünyada daha yüksək səviyyədə tanınmağa başlayır:

"Ölkənin yüksək səviyyədə tanınması Azərbaycan diasporunun üzərinə xüsusi vəzifələr qoyur. Azərbaycan diasporu ölkəmizin tanıdılması üçün öz töhfələrini verməli, Azərbaycanın haqq səsinin dünyata çatdırılması üçün qarşısında duran bütün vəzifələri yerinə yetirməlidir. Azərbaycan diasporunun fəaliyyəti üçün dövlətimiz tərəfindən bütün şərait yaradılıb. Birinci olaraq mənəvi şərait yaradılıb. Dünya ölkələrində yaşayan azərbaycanlıların da nüfuzu artmağa başlayıb".