4 oktyabr Müslüm Maqomayev adına Azərbaycan Dövlət Filarmoniyasında Mədəniyyət kanalının təşkilatçılığı, Mədəniyyət və Turizm Nazirliyinin dəstəyi ilə görkəmli dirijor, musiqi ictimai xadim,  maestro Niyazinin əziz xatirəsinə həsr olunmuş "Həyat musiqidir" adlı konsert proqramı baş tutub. Konsertdə Azərbaycan Televiziyası və Radiosunun Niyazi adına Simfonik Orkestrinin müşayiətilə əməkdar artist Gülnaz İsmayılovanın ifasında həm Qərbi Avropa,  həm də Azərbaycan bəstəkarlarının əsərləri səslənib.