Gəlin, astroloqların proqnozlarına görə, yeni ildə sizi nələrin gözlədiyinə nəzər salaq.

2025-ci ildə Marsın təsiri altında Qoçlar enerji dolu olacaqlar. Aktiv həyat tərzini davam etdirmək sağlamlığınız üçün əhəmiyyətlidir. Amma diqqətli olun, çünki ilin ilk aylarında yorğunluq hiss edə bilərsiniz. Meditasiya və balanslı qidalanma köməyinizə çatacaq.

Saturnun mövqeyi Buğalara sağlamlıq problemlərinə qarşı həssas olmağı məsləhət görür. Xroniki xəstəlikləriniz varsa, mütəmadi olaraq həkim müayinəsindən keçin. Fiziki fəaliyyətinizi artırmaq və immunitet sisteminizi gücləndirmək üçün təbii qidalar qəbul edin.

Əkizlərin sağlamlığı 2025-ci ildə Merkuri tərəfindən idarə olunacaq. İlin ilk yarısında zehni yorğunluq üstünlük təşkil edə bilər. İş və istirahət balansını qoruyun. Qısa təbiət yürüşləri və kitab oxumaq kimi fəaliyyətlər sizə faydalı olacaq.

Ayın təsiri ilə Xərçənglərin emosional sağlamlığı ön planda olacaq. Stress və emosional dalğalanmalar həddindən artıq yüklənməyə səbəb ola bilər. Meditasiya və aromaterapiya rahatlıq tapmağınıza kömək edəcək. Həmçinin su ilə müalicəvi prosedurlar sağlamlığınıza müsbət təsir göstərə bilər.

Günəşin idarə etdiyi Şirlər 2025-ci ildə sağlamlıq baxımından özlərini güclü hiss edəcəklər. Lakin həddən artıq iş yükü və stress ürək-damar sisteminizə təsir göstərə bilər. İdman və sağlam qidalanma ilə özünüzü qoruyun.

Merkurinin təsiri altında olan Qızlar 2025-ci ildə həssas həzm sisteminə diqqət yetirməlidirlər. Orqanizminizi təmizləyən dietalar və probiotiklərə üstünlük verin. Stresdən uzaq durmaq və özünüzə daha çox vaxt ayırmaq sizə müsbət təsir edəcək.

Tərəzilər üçün Venera 2025-ci ildə balans və harmoniya gətirir. Lakin hərəkətsizlik kilo almağa və digər sağlamlıq problemlərinə səbəb ola bilər. Aktiv həyat tərzi və rəqs kimi əyləncəli fiziki fəaliyyətlər seçin.

Əqrəblər üçün Plutonun təsiri ilə emosional və fiziki gücləri artacaq. Amma ilin ikinci yarısında immun sisteminizi qorumaq üçün diqqətli olmalısınız. Bədəndəki hər hansı dəyişiklikləri nəzarətdə saxlayın və özünüzü yorğun hiss etdikdə istirahət edin.

Yupiterin təsiri ilə Oxatanlar 2025-ci ildə yüksək enerjili və optimist olacaqlar. Amma həddindən artıq aktivlik zədələnmələrə səbəb ola bilər. İdman edərkən ehtiyatlı olun və düzgün qidalanma planına əməl edin.

Oğlaqlar üçün Saturnun təsiri ilə sümüklər və oynaq problemləri diqqətdə saxlanmalıdır. Hərəkətlilik və kalsiumla zəngin qidalar sizə faydalı olacaq. İş rejiminizi düzənə salmaq üçün qısa fasilələrə üstünlük verin.

Dolçalar üçün 2025-ci il ürək sağlamlığı baxımından önəmli olacaq. Uranın təsiri altında stressin təsirindən uzaq durmaq üçün idman və nəfəs məşqləri ilə məşğul olun. Elektron cihazlardan uzaq durmaq və yuxu rejiminə riayət etmək vacibdir.

Balıqlar sarıdan 2025-ci il Neptunun təsiri altında emosional və ruhi sağlamlıq ilidir. Özünüzə çox yük götürməməyə çalışın və rahatlıq gətirən hobbilərə üstünlük verin. Dəniz məhsulları ilə zəngin qidalanma və çoxlu su içmək faydalı olacaq.

2025-ci il sağlamlıq baxımından hər bürc üçün fərqli mesajlar verir. Ulduzların işığı altında sağlamlığınıza önəm vermək və müvafiq tədbirlər görmək rifahınızı təmin edəcək. Unutmayın, balanslı həyat tərzi hər zaman əsasdır. /Yenisabah.az