Tessa ilə mübahisədən qurtulmaq və keçmişinin səhvlərini düzəltmək üçün Hardin Atlantik sahillərində günəşli Lissabona yollanır. Tamaşaçıları Portuqaliyaya romantik səyahət gözləyir.

Son film, nəhayət, bütün pərəstişkarların uzun zamandır izlədiyi Tessa və Hardinin sevgi hekayəsini yekunlaşdıracaq. Görəsən, bu nağılın sonu necə olacaq?

Əvvəlki hissələrin ən yaxşı ənənələrində film vizual olaraq parlaq və qəşəng görünür və Portuqaliya mənzərələri şəkilə miqyas və təravət əlavə edir.

Franşıza heç vaxt bu qədər gözəl görünməmişdi!

Filmin rejissoru Kastill Lendondur. Baş rollarda Cozefina Lenqford, Hiro Fayns-Tiffin, Luiza Lombar, Stiven Moye, Cessika Vebber, Kora Kirk və başqaları çəkilib.

"Party Time" dekor şirkətinin dizaynı və işıqlandırılması, "A1" rəqs qrupunun parlaq şousu "CinemaPlus"da keçirilən gecəyə romantik ab-hava qatıb.

Tədbir filmin nümayişi ilə başa çatıb. 

"CinemaPlus" hər zaman sizə xoş sürprizlər etmək və kino dünyasında olan ən son premyeralarla sevindirməyə hazırdır.