Ətrafınızdakı bəzi insanlar çox emosional və həssas ola bilərlər. İnsanları xoşbəxt etmək üçün əllərindən gələni edirlər. Heç vaxt heç kimin qəlbini qırmırlar. Həmişə sevdikləri insanlara dəstək olmaq istəyirlər. Lakin onlar asanlıqla inciyə bilərlər. Görək bu insanlar hansı bürclərdəndir.

Son.az xarici mətbuata istinadən bu bürclərin siyahısını təqdim edir:

Balıq bürcü

Balıqlar şübhəsiz ki, həssas bürclər siyahısında birinci yerdədir. Balıqlar astrologiyada ən həssas və emosional bürc kimi hamıya məlumdur. Bu bürcün nümayəndəsi sevdiyi insanlar üçün hər zaman hər cür fədakarlıq edə bilər. Həmişə sevdikləri insanların xoşbəxtliyi üçün çalışır və qarşıdakı insanı incitməmək üçün səylə hərəkət edirlər. Ancaq ən kiçik bir problem belə onların ürəyini dərhal qıra bilər. Buna baxmayaraq, onlar heç vaxt heç kimlə küsülü qalmağı bacarmırlar.

Xərçəng bürcü

Xərçəng bürcləri də astrologiyada Balıqlardan sonra ən emosional və həssas bürclər sırasındadır. Xərçəng bürcü ailə həyatına böyük əhəmiyyət verir və ailəsi ilə vaxt keçirməyi sevir. Evlərində sevdikləri insanlarla vaxt keçirdikdə dünyanın ən xoşbəxt insanları olurlar. Xərçənglər başqalarına kömək etməyi sevirlər və bundan böyük həzz alırlar. Xərçəng bürcü kobud davranışlara və pis sözlərə dözə bilməz. Belə şeylərə məruz qalanda dərhal özünü pis hiss edir və geri çəkilir. Xərçəngin ürəyini qırmaq çox asandır. Gözəl ruhu və emosionallığı sayəsində ağzınızdan çıxan hər pis sözdən inciyə bilərlər.

Tərəzi bürcü

Tərəzi bürcündən olan insanlar çox ədalətli olurlar. Hamının bərabər hüquqlu yaşaması üçün var gücü ilə mübarizə aparırlar. Tərəzi bürcləri insanların həyatında hər zaman və hər şəraitdə köməyinə çatır. Bu bürcün nümayəndələri insanlara kömək etməyi özünə borc bilir. Hər kəsin problemlərini həll etmək üçün çox səy göstərir və əlindən gələni edir. Bununla belə, Tərəzilər əziyyətləri mükafatlandırılmayanda çox kədərlənirlər. Yenə də sevdiklərini incidə bilmir və heç vaxt heç kimdən küsmürlər. (publika)