Paşinyanın "demokratiya" şousu: Fransızlar demişkən, "Stop!"


Siyasət 29 Mar 2023 20:00:00 175 0

Paşinyanın "demokratiya" şousu: Fransızlar demişkən, "Stop!"

Ermənistanın baş naziri Nikol Paşinyanın da qatıldığı "Demokratiya sammiti"ndə Azərbaycana ünvanlanmış ittihamlar və bəyanatı şərh etməmək də olardı. Amma rəsmi İrəvan həmişə olduğu kimi, geosiyasətə zoologiya elementləri qataraq sammiti sirkə çevirməyi "bacardı".

Son.az Trend-ə istinadən xəbər verir ki, 1880-ci ildə dahi fransız yazıçı Gi de Mopassan "Des Vers" əsərində filosof Qüstav Floberə yazdığı məktubundan belə iqtibasa yer vermişdi: "Yerin sərhədləri var, amma insan axmaqlığı hüdudsuzdur".

Ermənistanın baş naziri Nikol Paşinyan özünü dünyanın ən qəvi və mətin frankofonlarından, Fransa aşiqlərindən biri, Fransanın dövlət başçısı Emmanuel Makronu isə az qala mənəvi atası saysa da, onun Mopassan yaradıcılığına bələd olmasına dərin şübhələrim var. Olsaydı, bu gün İrəvanda, Baqramyan küçəsi 26 ünvandakı binanın ikinci mərtəbəsindəki iş otağında kamera qarşısına keçərək İcevan ləhcəsindəki erməni diksiyası ilə "ingilis" dilində 2-ci Demokratiya Sammitinin iştirakçılarına xitab etməzdi.

Amma olan olub və bu səbəbdən də ingilis dilində ingilisləri öz dilinə kəc baxmağa vadar edəcək qədər "möhtəşəm" danışan Nikol Paşinyanın çıxışını təqdim edirik.

"Demokratik ölkələr soyqırımıların və vəhşiliklərin qarşısını almaq üçün çox şey etməlidir - məsələn, Dağlıq Qarabağda ermənilərin başına gələnlər", - Nikol Paşiyan deyib.

Bəli, razıyıq. Sadəcə, demokratik ölkələr yox, hətta Şimali Koreya, Esvatini və ya Myanma kimi diktaturalar da soyqırımılarla vəhşiliklərin qarşısını almalıdır.

Fəqət, nə etməli ki, ermənilərin azərbaycanlılara qarşı son 2 əsrdə 4 soyqırımının qarşısı alınmadı, dünya ölkələri lal, kar və kor olaraq daşnakların silahsız soydaşlarımızı güllələməsinə, qadınlara, uşaqlara və qocalara divan tutmasına laqeyd qaldı.

Erməni vəhşiliklərinin təsnifatı aparılarsa, alman nasistlərinin və ya Kambocadakı "qırmızı khmer"lərin sadizmi kölgədə qalar: hər halda onlar südəmər uşaqları dəmir borulara dolduraraq yandırmayıblar, qoca qadınların üzərindən tankla keçməyiblər, çağaları havaya ataraq süngü ilə "tutmayıb"lar.

Amma erməni terrorçular, daşnaklar bütün bunları azərbaycanlılara qarşı ediblər.

Paşinyanın "Dağlıq Qarabağ" adlandırdığı, əslində, Azərbaycanın Qarabağ iqtisadi zonasının şimal hissəsi olan ərazilərdə yaşayan ermənilərin gerçəkdən də sürətlə azalmasına yönəlmiş şəraiti yaradan, həyat və təhülkəsizliklərini sürəkli ağır təhdidlərlə üzləşdirən, gələcəkdən və perspektivdən, sağlamlıqdan və yaşamdan məhrum etməyə çalışan məhz Ermənistandır.

Ermənistan qarabağlı erməni ailələri işsizliyə, yoxsulluğa, səfilliyə sürükləyib.

Xankəndidə olsa da, İrəvandan tam idarə olunan marionet yığınağı terror, repressiyalar, qətllər və həbslər vasitəsilə qarabağlı ermənilərin həyatlarını məşəqqətə çevirib.

Məhz Ermənistanın əmr və göstərişləri əsasında qarabağlı erməni gənclər çağdaş hərb elminə görə potensial məzar sayıla biləcək eybəcər səngərlərə gömülür, onlara silah verilərək "Azərbaycan Ordusunun mövqelərinə atəş açın" deyilir.

N.Paşinyan müraciətində daha sonra deyib: "Ölkəmizdə demokratik təsisatların güclənməsi ilə paralel olaraq, 2022-ci ilin sentyabrında biz Ermənistanın beynəlxalq səviyyədə tanınmış ərazisinə qarşı təcavüzlə üzləşmək məcburiyyətində qaldıq və bu, suveren ərazilərimizin bir hissəsinin Azərbaycan tərəfindən işğalına səbəb oldu".

Burada, fransızlar demişkən, "Stop!"

Əvvəla, N.Paşinyan hakimiyyətə gələndən (gətiriləndən) sonra Ermənistanda siyasi opponentlərdən və rəqiblərdən qisas almaq oradakı mövcud iqtidarın iş prinsipinə çevrilib.

Məhz "demokratik" Ermənistanda 2021-ci ilin iyulun 15-də İrəvandakı məhkəmələrdən birində, iclas zalında məşhur erməni prodüser, Paşinyan hakimiyyətinə kəskin müxalif mövqeyi ilə tanınan Armen Qriqoryan keçindi. Uydurma ittiham əsasında həbs olunmuş Qriqoryanın ürəyi yatmışdı.

Belə ölümlərin sayı onlarladır.

Polis idarələrində işgəncələrdən sonra ölənlər, küçələrdə və evlərində qətlə yetirilənlərlə bağlı statistikaya gəldikdə isə rəqəmlər fasiləsiz artır.

Bəli, Ermənistanda sosial şəbəkələrdə və mediada Paşinyanı tənqid etmək olar, küçələrdə yürüşlər və mitinqlər də keçirmək bəzən alınır. Amma bu etirazların, hakimiyyətə ünvanlanmış tənqidlərin, müraciətlərin və xitabların heç bir nəticəsi yoxdursa, psevdodemokratiya görüntüsünün mənası qalmır.

Demokratiya müxalifətin dediklərinin hakimiyyət tərəfindən eşidilməsidir.

Tənqid və təhqir etmək, küçələrdə yürüş keçirmək azadlığı demokratiya yox, anarxoprimitivizm, ən yaxşı halda isə postklassik anarxizm təzahürüdür. Təbii, Ermənistanı dəstəkləyən təşkilatlarla dövlətlərin analitikləri buna etiraz edəcək, Corc Draffan və ya Brayan Morris idefikslərinin ermənilərlə heç bir əlaqəsi olmadığını deyəcəklər.

Belə deyil. Daha doğrusu, heç belə deyil.

"Azərbaycanın Ermənistan ərazilərinə təcavüz etməsi" ilə bağlı Nikol Paşinyanın dediklərinə gəldikdə isə bu, illər əvvəl evi quldur hücumuna məruz qalmış ev sahibinin həmin qulduru tapması və oğurlanmış əşyalarının bir qismini geri qaytarmasının "cinayət" hesab edilməsi kimi beyinin deqradasiya məhsuludur.

Reallıq budur ki, Azərbaycan ərazilərinin bir qismi hələ də Ermənistanın nəzarətindədir: söhbət Qazax rayonunun 7 kəndindən və Naxçıvanın bir kəndindən gedir.

Azərbaycanla Ermənistan arasındakı dövlət sərhədinin demarkasiya və delimitasiyası prosesinin başlanmasını İrəvan əngəllədiyi üçün o sərhəd indi şərtidir.

Nikol Paşinyan müraciətində bunları da deyib: "Laçın dəhlizinin Azərbaycan tərəfindən blokadaya alınması və bunun nəticəsində yaranan humanitar böhran açıq şəkildə etnik təmizləmə cəhdidir. Və biz buna göz yuma bilmirik. Eyni zamanda, Ermənistan Azərbaycanla sülh prosesinə sadiq qalır. İrəvan əmindir ki, regionun dinc inkişafının alternativi yoxdur".

Tam doğru: regionun dinc inkişafının alternativi yoxdur və biz buna əminik.

Lakin həmin inkişaf Ermənistandan Xankəndiyə, habelə, hazırda Rusiya Süllhməramlı Kontingentinin (RSK) müvəqqəti yerləşdiyi ərazilərdəki digər yaşayış məntəqələrinə silah-sursat, canlı qüvvə, minalar və s. daşınması, qarabağlı ermənilərin "ordu" adlandırdıqları diversant dəstələrin İrəvan tərəfindən tam dəstəklənərək təmin edilməsi və idarə olunması, yekun sülh sazişinin imzalanması istiqamətində fasiləsiz əngəllər yaradaraq bölgədə gərginliyi maksimum səviyyəyə çatdırmaq istəyi ilə mümkün deyil.

... ABŞ Prezidenti Co Baydenin təşəbbüsü ilə onlayn-formatda keçirilən 2-ci Demokartiya Sammitində 100-dən artıq ölkənin liderləri, həmçinin, vətəndaş cəmiyyəti və beynəlxalq təşkilatların təmsilçiləri iştirak edirlər.

Amma demokratiya sloqanlı sammit bəsit demaqogiya, yalan, Azərbaycana qarşı tətbiq edilmiş etnik təmizləmələr, soyqırımı və urbisidi görməzdən gəlmək, Ermənistanın aqressiv ritorikasına laqeyd yanaşmaqdırsa, vay bu demokratiyanın halına...

Həyat təlimçisi kimdir, niyə onlara müraciət edilir?  VİDEO like
  • 29 Mar 19:54  
Digərləri Həyat təlimçisi kimdir, niyə onlara müraciət edilir? VİDEO

Problemi olan insanların bəzilərinin ehtiyac duyduğu ilk şey dərdini böl�

arrow Ətraflı
Mehmet Aslantuğ deputatlığa namizəddir like
  • 29 Mar 19:42  
Şou-biznes Mehmet Aslantuğ deputatlığa namizəddir

Aktyor Mehmet Aslantuğ millət vəkili namizədi olub.

arrow Ətraflı
Kim Çen Indan yenilik: 500 metr yüksəklikdə nüvə partlayışı simulyasiyası  FOTO like
  • 29 Mar 19:30  
Dünya Kim Çen Indan yenilik: 500 metr yüksəklikdə nüvə partlayışı simulyasiyası FOTO

Şimali Koreya martın 27-də yer-yer tipli taktiki ballistik raketlərdən isti

arrow Ətraflı
"Azərbaycanİsrail münasibətləri birgə təşəbbüslərlə daha da zənginləşir" like
  • 29 Mar 19:22  
Digərləri "Azərbaycanİsrail münasibətləri birgə təşəbbüslərlə daha da zənginləşir"

Azərbaycanın İsraildə səfirliyinin fəaliyyətə başlaması iki ölkə ara

arrow Ətraflı
İsrail vətəndaşları sentyabrdan ABŞa vizasız səfər edə biləcək like
  • 29 Mar 19:06  
Dünya İsrail vətəndaşları sentyabrdan ABŞa vizasız səfər edə biləcək

İsrail vətəndaşları bu ilin sentyabrından ABŞ-a vizasız səfər edə bil

arrow Ətraflı
"Ölkədə aktiv inkişaf gedir, buna görə də..." like
  • 29 Mar 19:00  
Digərləri "Ölkədə aktiv inkişaf gedir, buna görə də..."

Dünya Bankı (DB) Azərbaycanda layihələrə yardım kontekstində digər məs

arrow Ətraflı
Türkiyədəki zəlzələni bilən elm adamı növbəti fəlakətin yerini açıqladı like
  • 29 Mar 18:42  
Digərləri Türkiyədəki zəlzələni bilən elm adamı növbəti fəlakətin yerini açıqladı

Kahramanmaraşdakı zəlzələlərlə bağlı dəqiq proqnozu ilə tanınan avst

arrow Ətraflı
PAnın Vətəndaş Qəbulu Mərkəzində aprel ayı üzrə qəbul cədvəli açıqlandı like
  • 29 Mar 18:40  
Digərləri PAnın Vətəndaş Qəbulu Mərkəzində aprel ayı üzrə qəbul cədvəli açıqlandı

Azərbaycan Respublikası Prezidentinin Administrasiyasının (PA) Vətəndaş Q

arrow Ətraflı
Saxta nikahla vətəndaşlıq alanların işi çətinləşir like
  • 29 Mar 18:30  
Digərləri Saxta nikahla vətəndaşlıq alanların işi çətinləşir

Rusiya Dövlət Dumasına saxta nikahla əldə edilmiş Rusiya vətəndaşlığ�

arrow Ətraflı
Əməyin Mühafizəsi Mərkəzi yaradılacaq like
  • 29 Mar 18:20  
Digərləri Əməyin Mühafizəsi Mərkəzi yaradılacaq

Azərbaycanda Əməyin Mühafizəsi Mərkəzi yaradılacaq.

arrow Ətraflı
Nəfəs məsuliyyətə cəlb olunacaq? like
  • 29 Mar 18:18  
Şou-biznes Nəfəs məsuliyyətə cəlb olunacaq?

Müğənni Nəfəsin (Günel Məmmədova) "7 Canlı" verilişində  s

arrow Ətraflı
TelƏvivdə Azərbaycan səfirliyinin təntənəli açılış mərasimi olub like
  • 29 Mar 18:16  
Siyasət TelƏvivdə Azərbaycan səfirliyinin təntənəli açılış mərasimi olub

İsrailin Tel-Əviv şəhərində Azərbaycan səfirliyinin təntənəli açıl�

arrow Ətraflı
20232025ci illər üçün Baş Kollektiv Sazişi təsdiq edildi like
  • 29 Mar 18:10  
Siyasət 20232025ci illər üçün Baş Kollektiv Sazişi təsdiq edildi

2023-2025-ci illər üçün Baş Kollektiv Sazişi təsdiq edilib.

arrow Ətraflı
Gündəmi zəbt edən video necə və hansı məqsədlə çəkilib?  VİDEO like
  • 29 Mar 18:07  
Digərləri Gündəmi zəbt edən video necə və hansı məqsədlə çəkilib? VİDEO

Gədəbəyin Musa Yalı kəndinin satışa çıxarılması ilə bağlı yayılan

arrow Ətraflı