Son.az bildirir ki, bu barədə "report" "LeJDD"yə istinadən yazır.

Reytinqin aşağı düşməsi Fransa hökumətinin pensiya sistemində islahatlar aparmaq istəməsi ilə bağlıdır. "IFOP" sosioloji xidmətinin sorğusunun (18 yaşdan yuxarı 2000-ə yaxın insan iştirak edib) nəticələrinə əsasən fransızların 70%-i bu islahatdan narazıdır və bu, Makronun reytinqinin bir ay ərzində 4 pillə aşağı düşməsinə səbəb olub.

Fransanın baş naziri Elizabet Bornun da populyarlıq reytinqi 29%-ə düşüb. Bu da onun Nazirlər Kabinetinin rəhbəri vəzifəsinə gəlişindən bəri ən aşağı göstəricidir.

Qeyd edək ki, islahatlar pensiya yaşının 62-dən 64-ə qaldırılmasını nəzərdə tutur. Müəyyən edilmiş pensiya yaşı həddinin hər il üç ay müddətində mərhələli şəkildə 62-dən 64-ə dəyişdiriləcəyi və bu prosesin 2030-cu ilə qədər davam edəcəyi deyilir.