Təəəsüflə qeyd etmək lazımdır ki, son zamanlar da bəzi beynəlxalq təşkilatların "ikili standart" yanaşmalarının şahidi oluruq. Prezident İlham Əliyev də dəfələrlə çıxışlarında bu kimi  təşkilatların Azərbaycana qarşı  ikilili mövqeyini, riyakar mövqe ortaya qoyduğunu sərt şəkildə tənqid edib.

İkili standatlar həm də Ermənistanda insan haqlaırnın pozulması ilə bağlı olub. Maraqlıdır ki, guya insan hüquqlarının qorunması ilə məşğul olan, özlərini "azadlıq carçısı" adlandıran beynəlxalq təşkilatlar Ermənistanda baş verən hadisələri təbii qəbul edirlər.

Yeri gəlmişkən, Avropa Parlamenti yaxın günlərdə növbəti dəfə Azərbaycana qarşı obyektivlikdən və reallıqdan uzaq, böhtan xarakterli qətnamə qəbul etməyə hazırlaşır. Bu bir daha ölkəmizə münasibətdə necə düşmən mövqedə dayandığını sübut edir. Bu qərəzli qətnamə layihəsinin ilkin mətnində Azərbaycanın guya Ermənistana hərbi təcavüz etməsi, Laçın yolunun guya "blokada"da olması kimi iddialar, eləcə də gorbagor olmuş "Minsk Qrupu", "status", "Dağlıq Qarabağda və ətrafında" kimi keçmiş, sərsəm və gündəlikdə umumiyyətlə olmayan məsələlər qeyd edilib.

Erməni lobbisinin, daha dəqiq ifadə etsək Fransanın ciddi təsiri altında olan Avropa Parlamentini qondarma sənədi qəbul etməzdən bir sıra məsələlərə diqqət yetirməsini məsləhət görərdik.

Birincisi, Azərbaycana qarşı təşəbbüslərin və qətnamələrin artıq sayı-hesabı itib. Sanki AP Ermənistan Parlamentinin komitəsinə çevrilib, Ermənistan Xarici İşlər Nazirliyi tərəfindən göndərilən layihələri notarius kimi təsdiqləyir.

İkincisi, avroparlament vaxtaşırı bu kampaniya xarakterli anti-Azərbaycan fəaliyyəti ölkəmizin ədalətli mövqeyinə təsir göstərmək, Azərbaycanı gözdən salmaq və Ermənistanın xeyrinə güzəştlər əldə etmək cəhdidir

Üçüncüsü, Azərbaycanın apardığı aktiv xarici siyasət, o cümlədən NAM-a uğurla sədrlik, həmçinin X Global Bakı Forumunun baş tutması və digər qlobal təşəbbüslərimiz ölkəmizin beynəlxalq arenada yüksək nüfuzunun göstəricisidir.

Nəhayət, Ermənistanın və erməni lobbisinin "konyak diplomatiyası"ndan gen-bol faydalanan Avropa Parlamentinin Azərbaycana "öyüd-nəsihət" verməyə mənəvi haqqı yoxdur. Və sonuncu məsələ, Azərbaycan torpaqlarının 30 il ərzində Ermənistan tərəfindən işğal altında saxlanıldığı, yüz minlərlə azərbaycanlının etnik təmizləməyə məruz qaldığı, Azərbaycanın şəhər və kəndlərinin sistematik şəkildə yer üzündən silindiyi və sərvətlərinin talan edildiyi dövrdə Avropa Parlamenti niyə susurdu?

Kamran Seyidov Son.az