Son.az "Report"a istinadən xəbər verir ki, hadisə Yenicə kəndindən olan fermerə məxsus təssərrüfatda baş verib.

Rayon sakini Ramin Bəndəliyev təsərrüfatında olan heyvanları örüş sahəsindən qaytardıqdan bir neçə saat sonra onlardan 2 baş qoyunun öldüyünü görüb. Daha sonra fermer digər qoyunların da halsız vəziyyətdə olduğunu müşahidə edib. Fermer sahə baytar həkiminə müraciət edib. Əraziyə cəlb olunaraq müayinələrə başlayan sahə baytar həkimlərin ilkin ehtimalına görə, qoyunlar zəhərləniblər.

Bundan sonra digər 100-ə yaxın qoyun və keçiyə də baytar həkimin məsləhəti ilə dərmanlar verilib. Eyni zamanda Ağdaş Rayon Baytarlıq İdarəsi tərəfindən heyvanların saxlanıldığı ferma dezinfeksiya edillib. Daha sonra Qida Təhlukəsizliyi Agentiliyinin nümayəndələri də fermaya gələrək ölmüş heyvanlardan nümünələr götürüblər və Agentliyin laboratoriyasına göndəriblər.

Analizlərin cavabından sonra heyvanların ölümünün dəqiq səbəbləri məlum olacaq. Qeyd edək ki, ölmüş heyvanlar dezinfeksiya olunaraq basdırılıb. Təsərrüfat sahibinin sözlərinə görə, 2 gün öncə ona məxsus 1 baş camış da eyni şəraitdə ölərək tələf olub.

Son.az