Son.az bizim media-ya istinadən təkcə sənəti ilə deyil, şəxsiyyəti ilə də hər zamandiqqət mərkəzində olan dahi sənətkar haqqında 10 maraqlı faktı təqdim edir. 1. Zeynəb Yəhya qızı Xanlarova 1936-cı ildə Bakının məşhur Dağlı məhəlləsində anadan olub. Ona görə də ona daha çox "dağlı qızı". Onun ən çox sevilən mahnılarından biri də "Məni heyran etdi Xızı dağları"dır. 2. "Zeynəb Asəf Zeynallıda mənim sinfimdə oxuyub. Yaman şuluq qız idi. Kollecdəki oğlanlar əlindən dad edirdilər, gəlib ondan mənə şikayətçi olurdular ki, müəllimə Zeynəb bizi vurdu, bizə söydü filan. Mən də təpinirdim ona. Əvvəl qara, quru bir qız idi, sonra çox gözəlləşdi". Bunu Xalq artisi Ceyran Haşımova deyib. 3. Bakıda keçirilən şəhər bədii özfəaliyyət kollektivlərinə baxış Zeynəb xanımın həyatına işıq saçır. Münsiflər heyətinin üzvləri olan - Əfrasiyab Bədəlbəyli, Cahangir Cahangirov, Qəmbər Hüseynli və s. qarşısında "Azərbaycan maralı" xalq mahnısı ilə çıxış edən Zeynəbin ifası bəyənilir və o, özfəaliyyət həvəskarlarının yekun konsertinə vəsiqə alır. Dövlət Filarmoniyasında baş tutan konsertdə 1-cilik qazanır. Əfrasiyab Bədəlbəylinin təkidi ilə Zeynəb xanım mötəbər musiqi ocağının - Asəf Zeynallı adına Bakı Orta İxtisas Musiqi məktəbinin tələbəsi olur. Böyük vokal ustadı Seyid Şuşinskinin sinfində dərs alır. 4. Zeynəb Xanlarova Azərbaycanın qadın xanəndələri arasında "Çahargah" muğamının ilk ifaçılarından biridir. 5. Xalq müsiqisi sahəsində SSRİ Xalq artisti alan ilk və son qadın müğənnidi. 6. Uzun illər yeni il başlayan kimi dövlət televiziyasında ilk mahnını Zeynəb Xanlarovanın ifa edib. Xalq artist indi də Aztv-NİN Yeni İl çəkilişlərində iştirak edir və çox güman ki, 2023-də ilk mahnını onun səsi ilə eşidəcəyik. 7. Zeynəb Xanlaraova Azərbaycan səhnəsinə naz və hərəkətlilik gətirən ilk müğənnidir. Bunu da Xalq artisti Flora Kərimova deyib. Zeynəb xanıma qədər ifaçılar yerlərindən tərpənmədən oxuyurdular. 8. +50 dərəcədə konsert verənilk və son Azərbaycan müğənnisi Zeynəb Xanlarova olub. O,Yəməndə +50 dərəcə temperaturda açıq havada konsert verib. Əfqanıstanda isə tankların, pulemyotların müşayiəti ilə konsert keçirib. Əfqanıstanın ozamankı rəhbəri Nəcibulla tərəfindən ən yüksək dövlət ordeninə layiq görülüb. 9. Keçmiş SSRİ-dən, eləcə də Azərbaycandan Yaponiyada konsert verən ilk müğənni də Zeynəb Xanlarova olub. 10. ABŞ-da ən çox konsert verən Azərbaycan müğənni də Zeynəb Xanlarovadır. Onun bu ölkəyə ilk səfəri 1989-cu ildə baş tutan müğənni 2012-2015-ci illərdə ABŞ-da yenidən konsert proqramları ilə çıxış edib. ABŞ-da konsert zamanı Zeynəb Xanlarova tamaşaçılara ilk səfərindən məzəli bir əhvalat danışır: "1989-cu ildə Amerikaya qastrol səfərim zamanı ifa etdiyim mahnılardan biri də "Reyhan" idi. Əksəriyyəti Azərbaycan dilini başa düşməyən zal bu mahnını böyük rəğbətlə qarşıladı. Mən niyə məhz bu mahnıya belə reaksiya olduğuna təəccübləndim. Sonra tərcüməçimiz başa saldı ki, mahnınızın ABŞ Prezidenti Reyqanın haqqında olduğunu düşünürlər". Sənətini zirvəsində, yaşının müdriklik çağında olan Zeynəb xanımı ad günü münasibəti ilə təbrik edirik, ona can sağlığı arzulayırıq.