Kreditlə alınan bu xoşbəxtlik nə qədər uzunmüddətli ola bilər? Həqiqətən də arzu olunan həyat tərzi bu yolla əldə edilə bilər mi?

Bu təkliflər bəzən insanlar üçün ciddi maliyyə çətinliklərinə səbəb ola bilir. Paytaxt sakinləri, xüsusən də evlənmək kimi böyük maliyyə qərarları aldıqda kreditlərdən qaçınmağı tövsiyə edirlər. Bir çox insan toy mərasimini lüks şəkildə keçirib, sonra illərlə kredit ödəməklə qarşılaşır. "Əgər pulun yoxdursa, evlənmə, niyə məcbursan? Toydan sonra borc ödənişi başlayır" - bu cür fikirlər şəhər sakinləri arasında tez-tez eşidilir.

Son.az xəbər verir ki, iqtisadçı Eldəniz Əmirovun sözlərinə görə, son statistikaya görə, Azərbaycanda kredit qoyuluşu 2025-ci ilin fevral ayına olan məlumatlarla 29 milyard 402 milyon manata çatıb. Bunun böyük bir hissəsi, yəni 17 milyard manatdan çoxu, ev təsərrüfatlarına aiddir. Bu artımın əsasən istehlak kreditlərinin artması ilə bağlı olduğunu bildirən ekspert bunun həm müsbət, həm də mənfi tərəfləri olduğunu vurğulayır. İstehlak kreditlərinin artması, xüsusən də cəmiyyətin daha çox maddi dəyərlərlə bağlı təzyiqə məruz qalması, bir çox insanların özlərini komfortlu hiss etmək üçün borca girməsinə səbəb olur.

Psixoloq Dəniz Umarova isə insanların maddi əşyalarla bağlı qərarlarının psixoloji tərəflərini izah edir. Onun sözlərinə görə, müəyyən bir əşyanın alınması insanlarda özünəinam və xoşbəxtlik hissi yaradır, həmçinin cəmiyyətdə "qəbul edilmək" istəyini gücləndirir. Lakin bu xoşbəxtlik, ümumiyyətlə, müvəqqəti olur və zamanla artan xərclər psixoloji narahatlıqlara yol aça bilər. Bəzi hallarda bu narahatlıq real problemlərdən qaçmaq və özünü təsdiqləmə ehtiyacı ilə əlaqədar meydana gəlir.

Bu vəziyyət göstərir ki, kreditlə alınan maddi əşyalar, həqiqətən, insanları xoşbəxt etməyə bilər, çünki borc və maliyyə yükü sonunda psixoloji gərginliyə səbəb ola bilər. Maddi sərvətlərin arxasında gizlənən daxili boşluqları doldurmaq isə yalnız zamanla daha böyük stresslərə səbəb olur.

Asya Son.az