Milli Məclisin İnsan hüquqları komitəsində ilin ilk iclası keçirildi FOTO
Digərləri 23 Yan 2026 17:30:00 67 0
Yanvarın 23-də Milli Məclisin İnsan hüquqları komitəsinin 2026-ci ilin yaz sessiyasında ilk iclası keçirilib. İclası açan komitə sədri Zahid Oruc yeni sessiyanın başlaması münasibəti ilə komitə üzvlərini təbrik edib və onlara fəaliyyətlərində uğurlar diləyib.
Bu xəbəri də oxu: Ağcabədi heyvan bazarının fəaliyyətinə icazə verilib
Son.az Trend-ə istinadən bildirir ki, gündəlikdə duran məsələlərin müzakirəsinə keçməzdən əvvəl Zahid Oruc dünyada və regionda baş verən ictimai-siyasi proseslərə toxunub, Azərbaycan Respublikasının Prezidenti İlham Əliyevin Davosda keçirdiyi görüşlərin əhəmiyyəti barədə fikirlərini bölüşüb.
Sonra komitə sədri iclasın gündəliyinə 2 məsələnin - 2025-ci ilin payız sessiyası dövründə İnsan hüquqları komitəsində görülən işlər barədə hesabatın və komitənin 2026-cı il yaz sessiyası üçün iş planının layihəsinin daxil edildiyini bildirib.
Komitə sədri, payız sessiyasında komitənin səmərəli fəaliyyət göstərdiyini, bu müddətdə 10 iclasının keçirildiyini, 11 məsələyə baxıldığını, o cümlədən 4 qanun layihəsinin Milli Məclisin müzakirəsinə tövsiyə edildiyini qeyd edib. Bildirilib ki, ötən sessiya ərzində komitəyə vətəndaşlardan ümumilikdə 328 müraciət daxil olub.
Daha sonra Zahid Oruc İnsan hüquqları komitəsinin 2026-cı ilin yaz sessiyası üçün iş planının layihəsi barədə məlumat verib. Qeyd edilib ki, qarşıdan gələn sessiyada dezinformasiya və rəqəmsal suverenlik, həmçinin insan haqları mövzularına diqqət yetiriləcək, qanunvericilik təşəbbüsü əsasında təqdim olunan qanun layihələri müzakirə olunacaq, vətəndaşlarla mütəmadi görüşlər təşkil ediləcək.
Komitənin üzvləri Mircəlil Qasımlı, Azər Allahverənov, Mübariz Qurbanlı, Səyyad Aran, Hikmət Məmmədov, Bəhruz Məhərrəmov, Razi Nurullayev, Vüqar Rəhimzadə, Elman Nəsirov və Tural Gəncəliyev müzakirələrdə iştirak edərək məsələlərlə bağlı fikir və təkliflərini səsləndiriblər.
İclasın sonunda ötən sessiyada komitədə görülmüş işlər qənaətbəxş hesab olunub, 2026-cı ilin yaz sessiyası üçün iş planının layihəsi təsdiq edilib.
Tədbirdə deputat Sevil Mikayılova və digər rəsmi şəxslər iştirak ediblər.
Müğənni Xuraman Şuşalı həyat yoldaşı ilə münasibətləri barədə mar
Dünyanın bir çox ölkəsində fəaliyyət göstərən Ziraat Maliyyə Qrupunu
Müslüm Maqomayev adına Azərbaycan Dövlət Akademik Filarmoniyasında "
Bildiyimiz kimi, 3 il əvvəl - 6 fevral tarixində Türkiyənin Kahramanmaraş
Xalq artisti Ağadadaş Ağayevin açıqlamaları cəmiyyətdə maraq doğurub.
AZCON Holding şirkətlərindən olan "Bakı Metropoliteni" QSC-nin İ
Azərbaycanın gənclər və idman nazirinin müşaviri Hikmət Babayev işdən
2025-ci ildə hərbi prokurorluq orqanları tərəfindən qeydə alınmış cina
Ramanada yerləşən "Appro Hospital"da ölüm hadisəsi baş verib.
Ağcabədi rayonu, Rəncbərlər kəndi ərazisində yerləşən heyvan bazarın
Azərbaycandakı Dini Konfessiyaların Məşvərət Şurasının üzvləri Azər
Əməkdar artist Zaur Əmiraslanov "Space TV"də yayımlanan "Öz
Son qəbul imtahanlarında qanunsuz texniki vasitələrdən istifadə halları i
Bakıda əvvəlki illərdə ümumi təhsil məktəblərini ümumi orta (IX) və
Azərbaycanda 2025-ci il üzrə ümumölkə yerüstü televiziya yayımçıları
