Digərləri
2023-02-04 08:14:00
Brüsselin fevralın 24-dək tətbiq etməyi planlaşdırdığı Aİ-nin Rusiyaya qarşı onuncu sanksiyalar paketi 10 milyard avroluq məhdudiyyətləri nəzərdə tutur.
2023-02-04 08:13:00
"Zaminbank" ASC-nin Müşahidə şurasının sabiq sədri Nadir İsmayılovun barəsində olan cinayət işi üzrə məhkəmə prosesi keçirilib.
2023-02-04 08:11:00
Beyin exinokokkozu exinokokk tərəfindən törədilir. Bu zaman beyində exinokk ətrafında reaktiv iltihab başlayır və bir neçə qatdan ibarət birləşdirici toxuma kapsulu yaranır. Exinokokk qovuqları yaxınlığında olan qan damarları və qişalar infiltratlaşır, parazit ətrafında beyin toxuması yumşalır. Həcmcə exinokokk kiçik noxuddan toyuq yumurtasına qədər böyüyə bilər. Beyində exinokokk ən çox mərkəzi qırşıqlarda, alın payında, yarımkürələrin dərinliyində yerləşır. Çoxkameralı exinokokk beynin bir neçə nahiyyəsində yerləşə bilər. Simptomları: Xəstəliyin əlamətləri beyin şişini xatırladır. Bu zaman həm ümumi, həm də məhəlli əlamətlər meydana çıxır. Göz dibində durğunluq olur, xəstədə ümumi və məhəlli epileptik çırpıntılar, psixi pozğunluq müşahidə olunur. Exinokokkun həcmi və yerləşməsindən asılı olaraq xəstəliyin əlamətləri müxtəlif ola bilər. Bəzən exinokokkun yerləşdiyi yerdə kəllə sümüyü nazikləşir və uzərində naxışlar görünür. Get- gedə xəstə zəifləyir, arıqlayır. Xəstəlik bir neçə ay müddətində kəskinləşıb, epileptik çırpıntıların artmasına və xəstənin ölümünə səbəb olur. Müalicəsi: Xəstəliyin müalicəsi simptomatikdır. Bəzən cərrahi müalicə tətbiq edilir.
2023-02-04 08:05:00
Ağrı insanın həyata gəldiyi gündən mövcud olan və insanın həyat fəaliyyətinə mane olan və hətta fəaliyyətlərini əlindən ala bilən bir hissdir. Ağrı hissi yuxu pozğunluqlarına, özünə idarəetmənin pozulmasına, əsəb sistemi pozğunluqlarına, əmək qabiliyyətinin itməsinə, psixalogiyanın pozulmasına, depressiyaya, ümidsizliyə, kobudluğa səbəb ola bilir. Buna görə də ağrı hissi hətta ailədə söz-söhbətə səbəb olur. Ağrı fiziki və psixoloji səbəblərdən baş verir və aşağıdakı növləri var: - qəfil başlayan ağrılar - xəstəliklərə bağlı olan ağrılar - bəlli olmayan səbəblərdən baş verən ağrılar. Qəfil başlayan ağrılar bəlli bir səbəbdən baş verir. Böyrək və öd daşı xəstəliklərində, miqrendə, sinir xəstəlikləri belə ağrılarla müşayiət olunur. Xəstəliklərlə bağlı olan ağrılar sancı, tutmaşəkilli və küt ola bilir. Bu cür ağrılar istənilən xəstəliklərə xas ağrılardır. Adətən kəsici, deşici və küt, sızıldayıcı olur. Bu cür ağrılar xəstəlik sağalandan sonra keçib gedir. Səbəbsiz baş verən ağrılar əsəb sistemi xəstəlikləri zamanı baş verir. Adətən belə ağrılar depressiyalı xəstələrdə baş verir. Ağrıya səbəb olan xəstəliklər: Baş ağrılarına miqren, baş və boyun hissədə olan infeksion xəstəliklər, beyin şişləri, boyunda olan yırtıqlar, stress və boyun-kürək əzələlərinin xəstəlikləri səbəb olur. Oynaq və sümük ağrılarına revmatoid artrit, revmatizma, bel və boyun yırtıqları, əməliyyatlardan sonra baş verən patologiyalar səbəb olur. Qarın ağrılarına daxili orqanların xəstəlikləri səbəb olur. Vaxtaşırı baş verən ağrıları ağrıkəsicilərin köməyi ilə sakitləşdirmək düzgün sayılmır. Hər bir ağrı hansısa patologiyanın göstəricisidir. Ona görə də ağrı zamanı həkimə müraciət etmək ən doğru qərar sayılır.
2023-02-04 07:51:00
Ağrıların müalicəsi sadə ağrıkəsici dərmanların qəbulu ilə başlayır. Əgər ağrı daha şiddətlidirsə, morfi kimi güclü ağrıkəsicilərə ehtiyac ola bilir. Dərman müalicəsindən başqa ağrı hissini aradan qaldırmaq üçün digər vasitələrdəndə istifadə etmək olar. Belə müalicə üsullarına fizioterapevtik, iynəterapeyası aiddir. Sinir səbəbli ağrıları kəsmək üçün ağrıkəsici dərmanla birlikdə sakitləşdiricilərə də ehtiyac duyulur. Xüsusilə də depressiyanın müalicəsində bu üsuldan istifadə edilir. Ağrıkəsicilərdən vaxtaşırı qəbul edən şəxs ağrını və dərmanın yanaşı təsirini mütləq nəzarət altında saxlamalıdır. İnsan ağrı hiss etdiyi zaman istədiyi dərmanı, istəsiyi kimi qəbul edə bilməz. Çünki ağrını kəsməklə biz hansısa xəstəliyin əlamətini gizlətmiş oluruq. Bu bizim ziyanımıza ola bilər. Məsələn, kor bağırsaq ağırdığı zaman ağrıkəsici qəbul eləməklə biz vəziyyətimizi daha da kəskinləşdirə bilərik. Ağrıkəsici qəbul edən zaman onun yanaşı təsirləri, bərabər sutkalıq dozası da nəzərə alınmalıdır. Dərmanın dozası düzgün qəbul edilməsə, xəstəyə xeyrindən çox zərəri dəyə bilər. Əgər sizin hər hansı bir orqanınızda vaxtaşırı ağrılar müşahidə edilirsə, mütləq həkimə müraciət etməlisiniz. Çünki ağrı dözməniz gərək olan bir hiss deyil. Dünya ağrısız daha gözəldir.
2023-02-04 07:41:00
Hamiləlik zamanı qadınların dərilərində bəzi problemlər meydana çıxır. Hormonal sistemdə baş verən dəyişikliklər, orqanizmin vitamin balansının aşağı düşməsi dəridə quruluğu artırır, qaşıntı, səpgilər, çatlar meydana gəlir. Hətta bəzi hamilə qadınlarda hamiləlik boyu bədənin əksər hissəsi ləkələrlə örtülür. Hamiləlik zamanı dəridə ləkələrin meydana gəlməsinə hormonların miqdarının artması səbəb olur. Belə ləkələrdən ən çox rast gəlinəni Melasmadır. Hamiləlik maskası adlanan bu ləkələr, üzün görünən bütün hissəsini tutur. Bu zaman yanaqlar, çənə, alın, burunun üstü və yanları, üst dodaq qəhvə rəngində piqment ləkələrlə örtülür. 70-80% qadınlarda hamiləlik zamanı əmələ gələn bu ləkələr adətən doğumdan sonra itib gedir. Dəridə belə ləkələr əmələ gəlməsin deyə hamilə qadınlara günəş altında gəzmək məsləhət görülmür. Yaz aylarının azacıq günəşi belə dəridə ləkələrin əmələ gəlməsinə səbəb ola bilir. Hamiləlik zamanı dəridə əmələ gələn ləkələrdən biri də üzdə, boyunda, bəzəndə qarın nahiyyədə əmələ gələn, kapilyar damarlarda baş verən qansızmalardır. Bu qansızmalar hörümçəkşəkilli olur. Hamiləlikdə sıx rastlanan dəri problemlərindən biri də qarın nahiyyəsində əmələ gələn qırmızı rəngli çatlardır. Çatlar doğuşdan sonra rəngini dəyişib gümüşü rəng olurlar. Bu gümüşü çat izləri qalıcı olur.
2023-02-04 07:35:00
Azərbaycan Autizm Assosiasiyasının Baş katibi Cavid Allahverdiyev vəfat edib.
2023-02-04 07:31:00
Ağciyərlərin xronik obstruktiv xəstəlikləri xronik, ləng proqressivləşən xəstəlik olub bronx ağacının geri dönməyən və ya hissəvi geri dönən obstruksiyası ilə xarakterizə olunur. Patologiyanın bronx ağacını zədələməsi, ağciyərlərin emfizeması və ya bunların müştərək olması xarakterizə edir. Xəstəlik tənəffüs çatışmazlığına və ağciyər ödeminə səbəb olur və ağciyər hipertenziyasi ilə fəsadlaşır. Xəstəliyin özlüyündə aşağıdakılar durur: - xronik obstruktiv bronxit - ağır bronxial astma - ağciyərlərin emfizeması. Son iki onildə xəstəlikdən ölənlərin sayı 5 ildən bir 2 dəfə artır. Ağciyərlərin obstruktiv xəstəliklərinin əmələ gəlməsində xroniki obstruktiv bronxitin, bronxial astmanın da rolu olduğu güman edilir. Xəstəlırin sikayətləri aşağıdakılardan ibarət olur: - artan ekspirator təngnəfəslik - fiziki gərginlik zamanı halsızlıq - bəlğəmli öskürək - arıqlama. Xəstəliyin kəskinləşməsi zamanı bəlğəmin miqdarı və təngnəfəslik artır. Xəstəliyin kəskinləşməsində papirosçəkmənin xüsusi əhəmiyyəti var. Ağciyərlərin xronik obstruktiv xəstəlikləri zamanı obyektiv müayinənin əlamətləri diaqnozun qoyulmasında əsas prinsiplərdən hesab edilir. Obyektiv müayinə zamanı xəstələrdə köməkçi əzələlərin tənəffüsdə iştirakı, uzadılmış nəfəsvermədə boyun venalarının şişməsi, sianoz, periferik ödemlər qeyd edilir. Diaqnoz qoymaq üçün ağciyərlərin auskultasiyası və rentgenoloji müayinələr əsas götürülür. İltihabın kəskinləşməsi dövründə bronxlarda yaş xırıltılar müşahidə edilir. Bronxoqrafoya və bronxoskopiya diaqnozun tam dəqiqləşməsinə əminlik yaradır.
2023-02-04 07:21:00
Hamilə qadınlar hamiləliyin ilk 3 ayında az və tez-tez qidlanmalıdırlar. Yağsız, iysiz, ədviyyatsız qidalardan istifadə etməkdə fayda var. Bu zaman kəsiyində hamilə qadınlar istədikləri hər yeməyi yeyə bilərlər, amma gərək yediyi qidalar genetik kodu dəyişdirilməmiş qidalar olsun. Ananın qidasını balıq, süd və süd məhsulları təşkil eləsə yaxşı olar. Əgər bu qidalar anada ürəkbulanmaya səbəb olursa, məcburən qəbul etməməlidir. Hamilə qadın tərkibində qatqılar olan qidalardan uzaq durmalıdır. Bu qidalara aşağıdakılar aiddir: * sosislər * kolbasalar * hazır meyvə suları * hazır şirniyyat məmulatları. 3 ay keçdikdən sonra hamilə qadınlar qidalarına daha diqqətlə yanaşmalıdırlar. 3 ayından doğuma qədər ana həm özü, həm də uşağın sağlamlığı üçün qidasına daha həssas yanaşmalıdır. Bu zaman kəsiyində analar gün ərzində 5-6 dəfə qida qəbul eləməlidirlər. Qəbul etdikləri qidaların arasında meyvə, süd, qatıq nə qədər çox olarsa, bir o qədər yaxşı olar. Hamilələr həftədə ən az 2 dəfə ət yeməlidirlər. Hamilə qadın yediyi ətə diqqət yetirməlidir. Ət və ət məhsullarının yaxşı bişməsi lazımdır ki, hamilələrdə heyvan mənşəli xəstəliklər baş verməsin. Hamilə qadınlar həftədə 1 dəfə balıq yeməlidirlər. Hamilələrin axşam yatmazdan əvvəl meyvə və zeytun yeməklərində fayda var. Hər gün bir-neçə dənə qoz, badam, əncir qurusu yemək hamilə qadının Omeqa 3 yağına olan təlabatını az da olsa ödəyir. Hamilə qadın gün ərzində bol su və ya açıq rəngli çay içməlidir. Hamiləlik zamanı ananın çəkisi 10-14 kq arta bilir. Qidasına nəzarəti artırmaqla yanaşı hamilə qadın hər gün piyada gəzməlidir. Hamiləlik zamanı üzmək, yoqa ilə məşğul olmaq və hamilə qadınlar üçün nəzərdə tutulmuş idman növləri ilə məşğul ola bilər.
2023-02-04 07:11:00
Ağciyərlərin iltihabının inkişafı infeksiyanın nüfuz etməsi mexanizmi, bu nüfuzetmənin şəraiti və orqanizmin vəziyyəti ilə əlaqədardır. İnhalyasion hissəciklərin tənəffüs yollarında paylanması və inkişaf etməsi infeksiyanın həcmindən asılıdır. Xəstəliyin törədiciləri az miqdarda da olsa patologiyanın əmələ gəlməsinə səbəb ola bilir. Əksər hallarda xəstəliyin törədicisi Staphylococcus aureusdur. Törədici ağciyər toxumasına nüfuz edir və pnevmoniyanın əmələ gəlməsinə səbəb olur. Xəstəlik orqanizmi zəif olan adamlarda daha tez əlamətlərin göstərir. Bu əlamətlərə aiddir: - səsin tutulması - qırtlaq üstlüyünün bağlanması - öskürək refleksi - tənəffüs yollarında nazik selik qatı - mukosilitar klirens - udqunmanın pozulması. Kəskin pnevmoniyanın inkişafına virus infeksiyası, bronx şaxələrinin obstruksiyası, papirosçəkmə və havanın sənaye çirklənməsi, döş qəfəsinin travması, durğunluq ürək çatmazlığı və cərrahi əməliyyatdan sonrakı dövr də şərait yaradır. Xəstəliyin əmələ gəlməsinə stafilokokklar, göy irin çöpləri, klebsiellalar, viruslar və mikoplazmalar səbəb ola bilir. Xəstələr ümumi zəiflikdən, iştahanın olmamasından, titrətmədən, təngnəfəslikdən, döş qəfəsində ağrıdan şikayət edir. Xəstəliyin əlamətləri kəskinləşdikcə mialgiya əlamətləri meydana çıxır. Kəskin pnevmoniyaya diaqnozun qoyulmasında obyektiv müayinə və rentgenoqrafiyanın nəticələri əsas götürülür. Müxtəlif laborator analizlərin və bəlğəmin müayinəsi xəstəliyi törədən mikroorqanizmlərin növünün tapılmasında və müalicədə çox yardımçı olur.
2023-02-04 07:05:00
Fevralın 2-də Bərdədə baş verən və 5 nəfərin ölümü ilə nəticələnən dəhşətli qəzanın bəzi təfərrüatları məlum olub.
2023-02-04 07:01:00
İnfeksiyadan asılı variant. Bronxial astmanın bu növünə 35-40 yaşdan yuxarı adamlarda rast gəlinir. Bu zaman xəstəliyin əlamətləri ağır formada üzə çıxır. Xəstəliyin ağır formada olmasına kəskin bronxit, pnevmoniya, tonzillit, haymorit və s. səbəb olur. Belə xəstələrdə boğulma tutmaları az kəskinliyi ilə digər tutmalardan fərqli olur, uzun müddət davam edir. Xəstənin tənəffüsü sərt və xırıltılı olur. Bronxial astmanın infeksiyadan asılı növündə xəstələrdə daima bəlğəmli öskürək müşayiət edilir. Xəstələrdə aşağıdkı əlamətlər meydana çıxır: - subfebril qızdırma - gecələr titrətmə - kürək nahiyədə üşütmə hissi - boyun və ənsədə tərləmələr. Xəstələr müalicə olunduqdan sonra boğulma əlamətləri dayandıqda bütün bu əlamətlərin izi aradan qalxır. İnfeksiyadan asılı bronxial astma xəstələrində xəstəlik ağırlaşdığı və ya müalicəyə tabe olmadığı zaman xəstələrdə bəzi ağırlaşmalar meydana çıxır: - ağciyərlərin enfizeması - xroniki ürək çatışmazlığı - ağciyər ürəyi simptomu. Diaqnoz: Xəstliyə diaqnozun qoyulmasında rentgenoloji müayinənin rolu böyükdür. Bundan başqa qanın ümumi analizləri, bəlğəmin analizi və bronxoskopik müayinənin nəticələri diaqnozun qoyulmasında mühüm əhəmiyyət kəsb edir. Dishormonal variant. Bronxial astmanın dishormonal variantı hormondan asılı olaraq əlamtlərini dəyişdirir. Belə ki, bu xəstələrin müalicəsində qlükokortikoid preparatının sistemli tətbiqi mütləqdir. Çünki dərmanın kəsilməsi və ya dozasının azaldılması xəstəliyin əlamətlərinin kəskinləşməsinə səbəb ola bilər. Bronxial astmanın dishormonal variantı qlükokortikoid hormonunun çatışmazlığı zamanı meydana çıxır. Xəstəliyin diaqnozu qanda hormonun miqdarının normal olmamasıyla öz təsdiqini tapır. Müalicə həkimin təyin etdiyi dozada hormon qəbulu ilə aparılır və vaxtaşırı qanda qlükokortikosteroidin miqdarı yoxlanılır.
2023-02-04 06:05:00
Sayrışan hallar nevrozu - sayrışan qorxular(fobiyalar) və ya fikirlər müxtəlif olur. Bu nevrozlar həm uşaqlar, həm də böyüklər arasında rast gəlinir. Səbəbləri: -aşağı intellekt və xarici defektlər sayəsində kollektivdə adaptasiyanın pozulması -ailədə xoşagəlməz atmosferin olması, valideynlərin soyuq münasibəti -anadan erkən ayrılma -psixoemosional travma-stress yaradan hər bir hadisə -bütün sferalarda total həyatı çətinliklər Simptomları: Simptomları 3 yerə bölünür: sayrışan qorxular, sayrışan fikirlər və sayrışan hərəkətlər. Sayrışan qorxular fobiyalar adlanır. Belə adamlar istənilən şeydən qorxa bilərlər. Bunlara misal olaraq qaranlıqda qorxma, açıq və ya qapalı mühitlərdən qorxma, yoluxucu xəstəliklərdən, həşəratlardan qorxma ola bilər qorxu hissi həm özü, həm də yaxınları üçün ola bilər. Belə adamlar xüsusi "rituallar" yerinə yetirirlər. Məsələn, infeksiyadan qorxu olduqda tez-tez əllərini sabunla yuyurlar, dəsmalla silmirlər. Sayrışan fikirlər insanlara rahatlıq vermir, onlar bu fikirlərdən qurtula bilmir. Məsələn, evdən çıxanda bir neçə dəfə evə qayıdırlar ki, qazı, suyu bağlasınlar. Sayrışan hərəkətlərdə məs. tez-tez əllərini müəyyən sayda masaya vururlar, başın tüklərini çıxardırlar və s. Siz nə edə bilərsiniz: Belə adamlarla sakit, səbirlə davranmaq lazımdır. Müalicə üçün psixoterapevtə, nevroloqa, psixiatra müracıət etmək lazımdır. Həkim nə edə bilər: Əsas müalicə psixoterapevt tərəfindən aparılır. Həkim sakitləşdirici, psixotrop, antidepressant preparatlar təyin edir.
2023-02-04 05:04:00
Yan amiotrofik skleroz sinir sisteminin xroniki ikişaf edən xəstəliyi olub, baş beyin və onurğa beyni hərəki neyronlarının zədələnməsi, kök-onurğa beyni və kök-nüvə liflərinin degenerasiyası ilə xarakterizə olunur. Xəstəlik zamanı ətrafların və gövdə əzələlərinin periferik iflici, həmçinin üçlü, dil-udlaq, azan və dilaltı sinirlərin hərəki funksiyalarında pozulmalar baş verir. PATOGENEZİ: Xəstəliyin etiologiyası müasir günümüzədək öyrənilməmişdir. Xəstəliyin visrus səbəbindən baş verməsi və ləng infeksiya tipi üzrə gedişi güman edilir. Yan amiotrofik sklerozlu xəstələrdə bir sıra autoimmun pozulmaların aşkar edilməsi proqresin virus mənşəli olmasını sübut edir. PATOLOGİYASI: Xəstəlik zamanı morfoloji dəyişikliklər əsasən onurğa beynin ön buynuzlarında və yan kanallarında baş verir. Onurğa beynin ön buynuzlarında mikroskopik olaraq neyronlarda degenerativ dəyişikliklər, onların tələf olması aşkar edilir. Adətən beyin kötüyündə bəzi kəllə sinirlərinin hərəki nüvələri zədələnir. Bu sinirlərin zədələnməsi ilə də beyin yarımkürələrinin qabığının hərəki hüceyrələrindən tutmuş bütün uzunluğu boyunca zədələnir. KLİNİKASI: Mərkəzi və periferik neyronlar zədələnir. Xəstəliyin başlanğıcında əlin distal əzələllərinin atrofiyası, parezi, fassikulyasiyası daha tez-tez baş verir. Parez və atrofiyalar tədricən inkişaf edərək çiyin qurşağını, beli, döş qəfəsini əhatə edir, adətən simmetrik olur. İflic olmuş ətraflarda əzələ tonusu yüksələ bilir, əgər periferik parez əlamətləri daha çox müşahidə edilərsə, onda əzələ tonusu aşağı olur. GEDİŞİ: Xəstəlik daha çox 50-60 yaşlı adamlarda baş verir, sürətlə inkişaf edir. Əgər proses bel büzdüm forması ilə başlayarsa xəstəlik sonralar inkişaf edərək yuxarı kürək hissəyə doğru artmağa başlayır. DİAQNOZU: Diaqnoz çanaq üzvlərinin funksiya pozulmalarına, mərkəzi və periferik parez əlamətlərinin müşahidə edilməsinə və xəstəliyin sürətlə inkişaf etməsinə əsaslanaraq qoyulur. MÜALİCƏSİ: Simptomatik müalicə aparılır. Metobolik preparatlar, B qrup vitaminlər, E vitamini, ATF, nootropil, serebrolizin təyin edilir. Xəstəyə hormon müalicəsi aparılır. Müalicə ildə bir neçə dəfə aparılır. Xəsətliyin proqnozu ümidverici deyil, davametmə müddəti 2-10 ildir.
2023-02-04 04:04:00
Yuxu bütün canlıların ettiyac duydyğu bir zaman kəsiyidir. Bu zaman kəsiyində beyin başda olmaqla, bütün orqanlar dincəlir. Normal insan sutka ərzində ən azı 6 saat yatmalıdır. Hamiləlik qadının yuxu və istirahətə ən çox ehtiyac duyduğu bir zamandır. Yuxululuq adətən hamiləliyin ilkin əlamətlərindən biri sayılır. Hamiləliyin ilk aylarında hormonların qadınlarda yaratdığı yorğunluq hissi onların istər-istəməz istiratət etməyə məcbur edir. Hamiləliyin ikinci üçaylığında yorğunluq hissi keçsə də qadınlar istirahətlərinə diqqət yetirməlidirlər. Əgər hamilə qadın gün ərzində uzun müddət ayaq üstə dayanıbsa, fürsət tapan kimi oturub ayağını irəli doğru uzatmalıdır. Bu cür oturuş tərzi ayaqların yükünü azaldır, ayaqlarda olan ağırlıq hissini aradan qaldırır. Yox əgər hamilə qadının oturaq işi varsa 2 saatdan bir ən azı 10 dəqiqə onun durub gəzməsi lazımdır. Hamilə qadın sutkanın ən azı 8 saatını yatmalıdır. Doğuşa 1-1,5 ay qalmış hamilə qadınlarda yuxu azalmağa başlayır. Yuxusuzluq ən çox son həftələrdə özünü biruzə verir. Bunun səbəbi aşağıdakılardır: - mədə qıcqırması - tez-tez sidiyə çıxma - ayaqlarda qaşınmalar. Mədə qıcqırmasının yuxusuzluğa səbəb olmaması üçün yatmazdan 2 saat əvvəl və az miqdar qida qəbul etmək lazımdır. Yatan zaman yastığı yuxarı qaldırmaq mədədə olan qıcqırma hissini azaldır. Tez-tez sidiyə getməmək üçün maye qəbulunu azaltmaq və ya "yuxuqaçırıcı" qazlı içkilərdən istifadə etmək olmaz.
2023-02-04 03:03:00
1. Autoimmun astma. Autoimmun astma ağ ciyər toxumasının Ag-ə qarşı xəstənin sensibilizasiyası nətizəsində baş verir. Bu hal bronxial astma xəstələrinin 1%-ində rast gəlinir. Xəstəliyə diaqnoz qoymaq üçün əsas kriteriyalar aşağıdakılardan ibarətdir: - ağır, fasiləsiz, residivləşən gediş - xəstələrdə hormonal asılılığın və qlükokortikosteroid rezistenliyinin formalaşması - qan zərdabı və turşu fosfotazası aktivliyinin artması. Autoimmun bronxial astmaya nadir hallarda rast gəlinir. 2. "Aspirin" bronxial astması. Boğulma tutması asetilsalisil qəbulundan sonra baş verir. Xəstələrə asetilsasisil sınağı aparılır və diaqnoz təsdiq edilir. 3. Ahıllarda bronxial astma. Ahıl xəstələrdə bronxial astmanın gedişini və diaqnostikasını qiymətləndirmək çətin olur. Çünki ahıl şəxslərdə başqa xəstəliklərində olması, bronxit əlamətlərinə bənzər əlamətlər verir. 4. Peşə bronxial astması Peşə bronxial astması, astma xəstələrinin 2%-ini təşkil edir. İstehsalatda bronxial astma xəstəliyinin əmələ gəlməsinə səbəb ola biləcək 200 maddə mövcuddur. İzosianid, platin duzları, müxtəlif bitki kompleksləri, heyvan mənşəli məhsullar, müxtəlif sənaye tullantıları və bir çox vasitələr bronxial astmanın əmələ gəlməsinə səbəb ola bilirlər. Xəstəliyə diaqnoz qoymaq çətinlik törətmir. Müalicə isə xəstəni həmin mühitdən uzaqlaşdırmaqdan ibarətdir. 5. Fəsil (sezon) bronxial astması. Bu zaman bronxial astma xəstəliyi ilin müəyyən fəslində əmələ gəlir və fəsil dəyişdikdə keçib gedir. 6. Bronxial astmanın gənə variantı. Xəstəliyin yeganə və tək əlaməti quru tutmaşəkilli öskürək hesab edilir. Belə öskürək adətən gecələr baş verir və fitverici xırıltılarla müşahidə edilir. Xəstəliyin əmələ gəlməsində gənələrin rolu olduğu söylənilir. Müalicə: Bronxial astma sağalmaz xəstəlikdir. Müalicənin əsas məqsədi xəstənin fiziki aktivliyini və normal həyat fəaliyyətinin keyfiyyətini saxlamaqdan ibarətdir.
2023-02-04 02:02:00
Mütəxəssislərin araşdırmalarına görə orta hesabla 100 hamilə qadından biri bronxial astmadan əziyyət çəkir. 500 hamilə qadından birində bronxial astma dölün həyatı üçün təhlükə törədir və ağır gedişə malik olur. Yüngül gedişli bronxial astma xəstələrinin hamiləlik zamanı vəziyyətini yaxılaşdırmaq mümkündür. Ağır gedişli bronxial astmadan əziyyət çəkənlərdə isə hamiləlik xəstəliyin əlamətlərini daha da dərinləşdirir. Hamiləlik zamanı astma tutmaları hamiləliyin altıncı ayının sonlarında meydana çıxmağa başlayır. Doğuş zamanı astma tutmaları baş vermir, doğuşdan sonra isə 3 ay ərzində tutmaların sayı azalıb tamamilə itir. Xəstə yenidən hamilə qalarsa, yenə də xəstəliyin gedişi birinci hamiləlikdə olduğu kimi olur. Əvvəllər elə hesab olunurdu ki, hamiləlik zamanı astma tutmalarının baş verməsinə qestozlar, toksikozlar səbəb olur. Lakin axır vaxtlar müəyyən edilib ki, adekvat həkim nəzarətində bunların meydana gəlməsi ehtimalı artmır. Lakin bronxial astmadan əziyyət çəkən qadınlarda uşaqlar kiçik bədən kütləsi ilə doğulurlar. Adətən belə hamiə qadınlara qeysəriyyə əməliyyatı məsləhət görülür. Hamilə qadınlara astmaya qarşı müalicə vasitələri təyin etdikdə diqqətli olmaq lazımdır ki, dərmanlar dölə pis təsir etməsin. Hamilələrə astma əleyhinə müalicə təyin etdikdə diqqətli olmaq məslət görülür. Bu baxımdan astma əleyhinə inhalyasiya preparatları döl üçün təhlükəsiz hesab edilir. Bronxial astma xəstəliyində istifadə edilən dərman vasitələri təhlükə dərəcəsinə görə beş qrupa bölünür. 1 - A qrupu kalium xlorid 2 - B qrupu insulin 3 - C qrupu izoniyazid 4 - D qurpu diazepam 5 - X qrupu izotrfetionin Bu qrup dərman preparatlarının hamiləliyə ziyan verməsi heyvanlar üzərində aparılan araşdırmalarda məlum olmuşdur.
2023-02-04 01:44:00
İnsanların çatışmazlıqları bəzən güldürür, hərdən də çətin situasiya yaradır. Müxtəlif bürclərin xoşagəlməz xüsusiyyətləri var. Onlardan bəziləri isə hətta dözülməzdir.
2023-02-04 01:01:00
Bu cür baş ağrıları çiyin və boyun əzələlərinin gərginləşməsi səbəbindən baş verir. Mütəxəssislər baş ağrılarının 80%-in çiyin və boyun əzələlərinin gərginəşməsi səbəbindən baş verdiyini söyləyirlər. Bu zaman əvvəlcə çiyin və boyun hissənin əzələləri gərginləşir, dartılma hiss edilir, sonra isə baş ağrıları başlayır. Ağrılar güclü xarakter daşıyır. Bəzən elə xəstələr olur ki, bu ağrılar onlarda ilin 180 günü baş verir. Gərginlik səbəbli baş ağrıları qısa müddətli və xroniki ola bilir. Ağrılar xroniki şəkil aldıqda intensiv xarakter daşıyır. Ağrılar səhər yuxudan duran zaman həzin başlayır və get-gedə artaraq kəskinləşməyə başlayır. Bəzən belə adamlarda fiziki yorğunluq zamanı və stresslərdən sonra da boyun əzələlərində gərginləşmə səbəbli ağrılar baş verə bilir. Gərginlik səbəbli baş ağrıları digər xəstəliklər səbəbli meydana çıxan baş ağrılarından fərqlənir. Belə ki, bu cür baş ağrılarının nə zaman, hansı səbədən başlaması məlum olmur. Gərginlik səbəbli baş ağrıları orqanizmdə aşağıdakı əlamətlərin meydana çıxmasına səbəb olur: * ürəkbulanma * qusma * zəiflik * baş hərlənməsi * əsəbi gərginlik * kürək və boyun əzələlərində ağrılar * kəskin baş ağrıları. Gərginlik səbəbli baş ağrılarından xilas olmaq üçün ağrıları əmələ gətirən səbəbə diqqət yetirməli və onu aradan qaldırmaq lazımdır. Bəzən belə ağrılar depressiyadan qaynaqlana bilir. Bu zaman xəstələrə psixoloji təsir etməklə ağrıları aradan qaldırmaq mümkün olur. Gərginliiyi əmələ gətirən insanlardan və şəraitdən uzaq durmaq baş ağrılarının əmələ gəlməsinin qarşısını alan əsas amil hesab edilir.
2023-02-04 00:01:00
Milli.Az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir
2023-02-03 23:31:00
Fövqəladə Hallar Nazirliyinin (FHN) "112" qaynar telefon xəttinə Bakı şəhərinin Nərimanov rayonunda yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.
2023-02-03 22:48:00
Türkiyənin İstanbul şəhərinin Bağçalıevlər rayonunda marşrut avtobusunun dayanacaqda gözləyən sakinlərə, daha sonra isə mikroavtobusa çırpılması nəticəsində yaralanan Azərbaycan vətəndaşı Əhməd Rzayev həkimlərin müdaxiləsinə baxmayaraq, dünyasını dəyişib.
2023-02-03 22:37:00
Naxçıvan şəhəri 12 nömrəli tam orta məktəbin direktoru Turan Məmmədli işdən azad olunub.
2023-02-03 22:25:00
Kartlardakı puldan gələn gəlirdən faiz tutulacaq.
2023-02-03 22:15:00
Şadlıq sarayları menyuların qiymətini artırıb. Xüsusən, 40 manatadək olan menyularda qiymət daha çox bahalaşıb.
2023-02-03 21:53:00
Məişət tullantılarının zibil qutularına tullanmaması anti-sanitariya vəziyyətinin yaranmasına gətirib çıxarmaqla yanaşı həm insan sağlamlığına, həm də ətraf mühitə ciddi zərər vurur.
2023-02-03 21:20:00
Optik illuziyalar hər kəsi maraqlandıran, diqqətçəkən fotolardır.
2023-02-03 21:15:00
İspaniyalı kişi varlanmaq və digər ölkələrdə yaşayış icazəsi almaq üçün bir neçə ay ərzində iki qadınla evlənib.
2023-02-03 20:31:00
Yaxın vaxtlarda Azərbaycanda toyuq əti və yumurtanın qiymətində bahalaşma ola bilər.