AZAL 4 reysi ləğv etdi
Digərləri 16 Haz 2025 14:55:00 78 0
Yaxın Şərqdə baş verən son hadisələr və bölgədə bir sıra ölkələrin hava məkanlarının bağlaması ilə əlaqədar "Azərbaycan Hava Yolları" aviaşirkətinin 16 iyun 2025-ci il tarixində həyata keçirilməsi planlaşdırılan bəzi reysləri ləğv olunub.
Bu haberi de oku: Evlərimizi niyə sığortalaya bilmirik? AÇIQLAMA
Bu barədə Son.az-a "Azərbaycan Hava Yolları" QSC-nin Mətbuat xidmətindən məlumat verilib.
Bildirilib ki, ləğv olunan reyslər aşağıdakılardır:
• Bakı - Dammam - Bakı (J2 8205/8206) • Bakı - Bəhreyn - Bakı (J2 505/506) • Bakı - Ər-Riyad - Bakı (J2 8203/8204) • Bakı - Lahor - Bakı (J2 145/146)
Bundan əlavə, aşağıdakı istiqamətlər üzrə bütün reyslərin müvəqqəti olaraq dayandırılması barədə qərar qəbul edilib: • 18 iyun - 30 iyun tarixlərində Bakı - Təl-Əviv - Bakı • 19 iyun - 30 iyun tarixlərində Bakı - Tehran - Bakı
"AZAL uçuşların təhlükəsizliyini prioritet olaraq müəyyən edir və vəziyyətin inkişafını yaxından izləyir. Sərnişinlər uçuş cədvəlindəki dəyişikliklər barədə vaxtında və operativ şəkildə məlumatlandırılacaqlar.
Ləğv edilmiş və ya dayandırılmış reyslər üzrə bileti olan sərnişinlər ödənişin tam geri qaytarılması və ya biletlərin cəriməsiz dəyişdirilməsi hüququna malikdirlər. Bununla bağlı sərnişinlər [email protected] elektron poçt ünvanı vasitəsilə aviaşirkətə müraciət edə bilərlər", - məlumatda qeyd edilib.