Son.az lent.az-a istinadən bildirir ki, tarix bizim indi adi hal kimi qəbul etdiyimiz hərəkətləri qadağan edən qəribə qanunlarla doludur.

Çox vaxt dini inanclardan, mədəni normalardan və ya yanlış idarəçilik cəhdlərindən irəli gələn bu qanunlar zamanla sosial dəyərlərin nə qədər dəyişdiyini göstərir.

Bu gün sizə müxtəlif mədəniyyətlərdə və dövrlərdə vaxtilə qeyri-qanuni olan 10 fəaliyyəti toplamışıq.

1. İctimai yerlərdə fit çalmaq (Orta əsr Avropası)

Orta əsrlər Avropasında, xüsusilə İngiltərə və Fransada camaat arasında fit çalmaq şər ruhları çağırmaq və ya cinayətkarlar arasında gizli mesajların ötürülməsi ilə əlaqələndirilirdi.

Bu xurafat, xüsusilə gecələr fit çalmağı qadağan edən qanunların qəbul edilməsinə səbəb olmuşdu.

2. Duş qəbul etmək (Orta əsr Avropası)

Qara ölüm epidemiyasından sonra orta əsrlər Avropasında təmizlənməyə şübhə ilə baxılmağa başladı.

Hamamda çimməyin bədəni xəstəliklərə həssas etdiyinə inanılırdı. Bu qorxu 16-cı əsrdə bəzi Avropa bölgələrində hamamların qadağan edilməsinə səbəb olmuşdu.

3. Məyyən rəngli paltarlar geyinmək (Elizabet dövrünün İngiltərəsi)

Kraliça I Elizabetin dövründə insanların sosial təbəqələrinə görə nə geyinə biləcəyini tənzimləyən ciddi qanunlar var idi. Məsələn, bənövşəyi rəng yalnız kral ailəsinə məxsus idi.

Qızılı və qırmızı kimi rənglər də zadəganlara xas rənglər sayılırdı. Adi insanlara bu rəngləri geyinmək qadağan edilmişdi.

4. Şahmat oynamaq (İslam Xilafətində)

9-cu əsrdə müsəlman dünyasının çox hissəsini idarə edən xəlifə Əl-Mütəvəkkil şahmat oynamağı qadağan etmişdi. Bəzi din alimləri bu qadağanı dəstəkləyərək, şahmatın ibadətdən yayındırdığını və qumar oynamağa təşviq etdiyini deyirdilər.

5. Milad bayramını qeyd etmək (Puritanların dövründə İngiltərə və Amerika)

17-ci əsrdə İngiltərə və Amerikadakı puritanlar Milad bayramına bütpərəst mənşəli ekstremal hadisə kimi baxırdılar.

Puritanlar hakimiyyətə gələndə Milad bayramını qeyd etməyi qadağan etdilər. Bu qadağa Amerikada 19-cu əsrə qədər qüvvədə qaldı.

6. Gecə gəzintisi (Feodal Yaponiyası)

Feodal Yaponiyasında gecə gəzintisi cinayətkarlar və qovulmuş insanlarla əlaqələndirilirdi.

Ciddi komendant saatı tətbiq edilmişdi və adi insanlar gecə küçəyə çıxdıqları üçün cəzalandırıla bilərdilər.

7. İctimai yerlərdə rəqs (XVIII əsr Avropası)

Protestantlığın təsiri altında olan ərazilərdə, xüsusən də Kalvinist Cenevrəsində ictimai yerlərdə rəqs etmək qadağan idi.

Səlahiyyətlilər inanırdılar ki, rəqs şəhvətli düşüncələrə və əxlaqsız davranışlara səbəb ola bilər.

8. Qəhvə içmək (Osmanlı İmperatorluğu)

Osmanlı İmperiyasının sultanı IV. Murad qəhvəxanalarda siyasi müzakirələrin iğtişaşlara səbəb ola biləcəyindən qorxaraq qəhvə içməyi qadağan etmişdi.

9. Şalvar geyinmək (XIX əsr Fransası)

19-cu əsrdə Fransada qadınların polis icazəsi olmadan şalvar geyinməsi qadağan idi. Şalvar yalnız kişi geyimi sayılırdı. Bu qanun qadınların ətək və ya don geyinməsini tələb edirdi.

10. İctimai yerlərdə öpüşmək (Amerika)

Amerikada, xüsusən Puritanların hakimiyyəti altında, ictimai sevgi nümayişi qadağan edilmişdi. Hətta evli cütlüklərin belə ictimai yerlərdə öpüşməsi yersiz hesab olunurdu. Son.az Xəbərlərimizi WhatsApp kanalımızdan da oxuyun