STM-dən Son.az-a verilən məlumata görə, monitorinq çərçivəsində dövlət orqanları (qurumları) üzrə 25 mərkəzi icra hakimiyyəti orqanının stasionar və qaynar xətlərinə edilən zənglərin ümumilikdə 68.4%-nə (617 zəng) cavab verilib, 31.6%-nə (285 zəng) cavab verilməyib.

Günün birinci yarısında 25 mərkəzi icra hakimiyyəti orqanının hər iki kommunikasiya xətti üzrə cavab verilmiş zənglər 66.5% (300 zəng), cavab verilməmiş zənglər 33.5% (151 zəng) təşkil edib. Günün ikinci yarısında edilən zənglərin ümumi olaraq 70.3%-nə cavab verilib (317 zəng), 29.7%-nə (134 zəng) cavab verilməyib.

Stasionar nömrələrə edilən ümumi zənglərin 47.3%-i (229 zəng) cavablandırılıb, 52.7%-i (255 zəng) cavablandırılmayıb.

Ümumilikdə, qaynar xətlər üzrə cavab verilmiş zənglər 92.8% (388 zəng), cavab verilməmiş zənglər 7.2% (30 zəng) təşkil edib.

Stasionar nömrələrə günün birinci yarısında edilən zənglərin 45.0%-nə cavab verilib, 55.0%-nə cavab verilməyib. Qaynar xətlərə günün birinci yarısında edilən zənglərin 91.4%-nə cavab verilib, 8.6%-nə cavab verilməyib.

Stasionar nömrələr üzrə günün ikinci yarısında cavab verilmiş zənglər 49.6%, cavab verilməmiş zənglər 50.4% təşkil edib. Günün ikinci yarısında qaynar xətlər üzrə zənglərin 94.3%-i cavablandırılıb, 5.7%-cavablandırılmayıb.

Ədliyyə Nazirliyi - monitorinq çərçivəsində stasionar nömrələrə edilən zənglərin 18.2%-nə cavab verilib, 81.8%-nə cavab verilməyib.

Günün birinci yarısında stasionar əlaqə vasitəsi üzrə zənglərin cavablandırılmasında orta müddət 9 saniyə, günün ikinci yarısında 53 saniyə olub.

Nazirliyin qaynar xəttinə edilən zənglərin cavablandırılmasında yüksək operativlik müşahidə edilib. Belə ki, günün birinci və ikinci yarısında qaynar xəttə edilən bütün zənglərə cavab verilib.

Günün birinci yarısında zənglərə cavab vermədə orta müddət 1 dəqiqə 14 saniyə, günün ikinci yarısında 46 saniyə olub.

Daxili İşlər Nazirliyi - stasionar əlaqə vasitəsinə günün birinci və ikinci yarısında edilən bütün zənglərin mütləq əksəriyyətinə - 86.4%-nə cavab verilib, 13.6%-nə cavab verilməyib. Stasionar əlaqə vasitəsi üzrə zənglərin cavablandırılmasında orta müddəti günün birinci yarısı üzrə 20 saniyə, günün ikinci yarısı üzrə 27 saniyə olub.

Qaynar xətt son üç ildə yüksək operativ fəaliyyətini davam etdirərək günün birinci və ikinci yarısı üzrə bütün zəngləri cavablandırıb.

Qaynar xətt üzrə günün birinci və ikinci yarısında zənglərin cavablandırılmasında orta müddət 2 saniyə olub.

Səhiyyə Nazirliyi - stasionar nömrəyə edilən zənglərin 59.1%-nə cavab verilib, 40.9%-nə cavab verilməyib. Günün birinci yarısında stasionar əlaqə vasitəsi üzrə zənglərə cavab vermədə orta müddət 11 saniyə, günün ikinci yarısında 6 saniyə olub.

Qaynar xətt üzrə zənglərin 95.5%-nə cavab verilib, 4.5%-nə cavab verilməyib. Günün birinci yarısında zənglərə cavab vermə üzrə orta müddət 1 dəqiqə 6 saniyə, günün ikinci yarısı üzrə 17 saniyə olub. Göründüyü kimi, günün ikinci yarısında zənglərə daha tez cavab verilib.

Təhlillər stasionar nömrələrdən fərqli olaraq, qaynar xəttə günün birinci və ikinci yarısında edilən zənglərə daha tez cavab verildiyini göstərib.

Elm və Təhsil Nazirliyi - stasionar nömrələrə günün birinci və ikinci yarısında edilən zənglərə ümumiyyətlə cavab verilməyib.

Qaynar xətt üzrə günün birinci və ikinci yarısında cavab verilmiş zənglər 77.3%, cavabsız zənglər 22.7% təşkil edib. Günün birinci yarısında zənglərə cavab vermə üzrə orta müddət 1 dəqiqə 58 saniyə, günün ikinci yarısında 2 dəqiqə 32 saniyə olub.

Mədəniyyət Nazirliyi - stasionar nömrələrə edilən zənglərin 13.6%-nə cavab verilib, 86.4%-nə cavab verilməyib. Günün birinci yarısında stasionar əlaqə vasitəsi üzrə zənglərə cavab vermədə orta müddət 19 saniyə, günün ikinci yarısında 44 saniyə olub.

Qaynar xətt üzrə cavab verilmiş zənglər 77.3%, cavab verilməmiş zənglər 22.7% təşkil edib. Günün birinci yarısında zənglərə cavab vermədə orta müddət 11 dəqiqə 34 saniyə, günün ikinci yarısında 8 dəqiqə 5 saniyə təşkil edib. Günün ikinci yarısı ilə müqayisədə günün birinci yarısında zənglərə 3 dəqiqə 29 saniyə gec cavab verilib. Hər iki kommunikasiya xətti üzrə təhlillər stasionar nömrələrlə müqayisədə qaynar xəttə edilən zənglərə daha tez cavab verildiyini göstərib. Aparılan təhlillər nəticəsində stasionar nömrələrlə müqayisədə günün birinci və ikinci yarısında qaynar xəttə edilən zənglərə daha gec verildiyi məlum olub.

Qeyd edək ki, Sosial Tədqiqatlar Mərkəzi tərəfindən 22 may - 27 iyun 2024-cü il tarixlərində 39 dövlət orqanı (qurumu) və 77 yerli icra hakimiyyəti orqanı olmaqla ümumilikdə 116 dövlət orqanının (qurumun) stasionar və qaynar xətlərinə təqribən 3500-ə yaxın zəng edilib. Monitorinqin nəticələrinə əsasən, stasionar nömrələr və qaynar xətlər üzrə ümumilikdə 1927 zəngə (59.2%) cavab verilib, 1328 zəngə (40.8%) cavab verilməyib. 198 zəng üzrə nömrə məşğul olub və ya aktiv olmayıb.

Dövlət orqanlarının (qurumlarının) və yerli icra hakimiyyəti orqanlarının kommunikasiya xətlərinin günün birinci və ikinci yarısında olmaqla ikimərhələli şəkildə monitorinqi həyata keçirilib.

Monitorinq çərçivəsində edilən bütün zənglərin video qeydiyyatı aparılıb.

Monitorinq yekunlaşdıqdan sonra toplanılan məlumatlar qurumlar və kateqoriyalar üzrə təsnifatlaşdırılıb. Müvafiq qurumlar üzrə təsnifatlaşdırılan məlumatlar bazaya daxil edilərək xüsusi proqram - SPSS (Sosial Elmlər üzrə Statistik Proqram Paketi) vasitəsilə təhlil edilib və yekun nəticələr əsasında hesabat hazırlanıb.

Son.az Xəbərlərimizi WhatsApp kanalımızdan da oxuyun