İranda TÜRKOFOBİYA

Digərləri 01 İyn 2023 10:38:00 276 0

İranda möbvcud fars molla rejiminin ölkədə yaşayan xalqlara, xüsusən də azərbaycanlılara qarşı kin və küdurətini sübut edən növbəti qalmaqal yaşanır. Tehran rejiminin türkofobiya, azərbaycanafobiya nifrətini sübut edən daha bir bir fakt yayılıb. Mediada yer alan xəbərlərə görə, Tehran rəhbərliyi ölkədə yaşayan Azərbaycan türklərinə türk adlarını götürməyi qadağan edib. İllərdir qanunsuz olaraq türk adlarına qadağa qoyan İran Əhali Müdirliyi Cənubi Azərbaycanda doğulan körpəyə adı türkcə - "Volkan" olduğu üçün şəxsiyyət vəsiqəsi verməyib.

Məhkəmə də adın dövlət tərəfindən tanınmadığını bildirərək ailəni rədd edib. "Sünni müsəlmanların böyük təzyiq altında olduğu İranda dövlət Azərbaycan türklərinin də istədiklərini almasına mane olur", - deyə "Yeni akit" qəzeti yazır. Volkan adlı körpənin atası Təbriz Əhali Müdirliyi tərəfindən bloklandıqdan sonra məhkəməyə müraciət edib. Təbriz Baş və Mülki Məhkəməsi sənədində "Volkan yad bir addır" və İran mədəniyyəti ilə heç bir əlaqəsi olmadığını və dövlət tərəfindən tanınmadığını bildirib.

Bəllidir ki, İran uzun müddətdir ki, türk adlarına qarşı "qadağa" siyasəti aparır. Bölgədə yaşayan azərbaycanlı ailələr övladlarına türk adları verdikləri üçün şəxsiyyət vəsiqəsi ala bilmədiklərini bildiriblər. İran Siyahıyaalma Bürosunun Güney Azərbaycanda yaşayan türk ailələrinə şəxsiyyət vəsiqəsi verməkdən imtinası ailələr tərəfindən etirazla qarşılanıb. Bir çox ailə təzyiqi sosial media hesabından açıqlamalı olub. İranın Qeydiyyat İdarəsi təsdiq edilmiş adların siyahısını açıqlayıb və vətəndaşlardan övladları üçün bu adları seçmələrini istəyib. Valideynlərin seçdiyi ad qeydiyyat şöbəsi tərəfindən təklif olunan siyahıdan kənardadırsa, seçilmiş ad baxılmaq üçün şöbənin direktorlar şurasına (ad komitəsinə) göndərilir və təsdiq edilmədikcə heç bir seçimə icazə verilmir.

Azər Son.az

Mənbə: milli.az

10 Yan 2025 18:39

İranda TÜRKOFOBİYA

Siyahının davamı