Bu barədə Trend-ə özəl açıqlamasında Pakistanın iqtisadiyyat naziri Sərdar Ayaz deyib.

"Azərbaycanla iqtisadi sahədə əməkdaşlığımızı genişləndirmək üçün potensial çoxdur. Bu gün Azərbaycanın ev sahibliyində Qoşulmama Hərəkatında iştirak etməkdən məmnunam", - nazir bildirib.

S.Ayaz əlavə edib ki, Azərbaycanla Pakistan arasında hər zaman müxətlif səmərli görüşlər olub və bundan sonra da əməkdaşlıq davam edəcək",- deyə nazir vurğulayıb.

Qeyd edək ki, martın 2-də Bakıda Qoşulmama Hərəkatının COVID-19-a qarşı mübarizə üzrə Təmas Qrupunun Zirvə görüşü keçirilir. Zirvə görüşünə 70-ə yaxın ölkənin dövlət və hökumət başçıları, 5 ölkənin, o cümlədən Bosniya və Herseqovina, Türkmənistan, Özbəkistan, İraq, Liviyanın prezidentləri, üç ölkənin - Kuba, Qabon, Tanzaniyanın vitse-prezidentləri, Əlcəzair və Keniyanın Baş nazirləri, müxtəlif ölkələrin yüksək səviyyəli nümayəndələri, həmçinin beynəlxalq təşkilatların rəhbərləri - BMT Baş Assambleyasının 77-ci sessiyasının prezidenti Tsaba Körösi, Dünya Turizm Təşkilatının Baş katibi Zurab Pololikaşvili, Beynəlxalq Miqrasiya Təşkilatının (BMqT) Baş direktoru Antonio Vitorino, BMT-nin Cenevrədəki bölməsinin baş direktoru Tatyana Valovaya, İqtisadi Əməkdaşlıq Təşkilatının (İƏT) Baş katibi Xusrav Noziri və digərləri, eyni zamanda, nazirlər, nazir müavinləri, səfirlər və s. qatılıblar.