Mən bilirdim ki, Ceki çox varlıdır. Bəlli olub ki, o, dünyanın ən varlı aktyorlarından biridir və top 20-yə daxildir. Aktyorun kapitalı 350-500 milyon dollar təşkil edir. Müqayisə üçün, Tom Kruzun kapitalı 750 milyon, Uill Smitin kapitalı 350 milyondur. Maraqlıdır ki, Ceki oğluna vəsiyyət etmək fikrində deyil. Bununla əlaqədar aktyor deyib:   "O, özü özünə pul qazana bilər. Əgər bunu bacarmasa, o zaman, sadəcə, mənim pullarımla dolanacaq".   Deyilənə görə, Ceki oğlu ilə o qədər də yola getmir. 2014-cü ildə oğlu Ceysi xoşagəlməz vəzyyətlə düşüb. Onu narkotik istifadəsinə, həm də üçüncü şəxslərin istifadəsi üçün otaq ayırdığına görə həbs edilib. Ceki bəyan edib ki, öz əlaqələrindən istifadə edərək məhkəmə prosesinə təsir etməyəcək. Sonradan oğlunun tərbiyəsinə görə ictimayət qarşısında üzr istəyib.   Ceysi Çana 6 aylıq həbs cəzası verilib və o, 322 dollar məbləğində cərimə edilib.   Ceki 1982-ci ildən aktrisa Lin Fentszyau ilə nikahdadır. Cütlük Los-Ancelesdə tanışlıqdan bir il sonra gizli surətdə evlənib. Nigah imzalanmanın ertəsi günü oğulları doğulub. Doğuşdan sonra aktrisa kinoya çəkilməyib.   2000-ci ildə cütlük ailə problemləri ilə üzləşib. Bəlli olub ki, Cekinin nigahdankənar əlaqəsi var və aktyorun qızı doğulub. Aktyor həyat yoldaşında xəyanətini etiraf edib və ondan bağışlanmasını istəyib. Həyat yoldaşı onu bağışlayıb və indiyədək onlar birlikdə yaşayır. Amma qızı Etta Çanla aktyorun heç bir münasibəti yoxdur. Adıçəkilən vəsiyyətə aktorun yalnız həyat yoldaşı və xeyriyyə fondarı daxildir.   Aktyorun gündəlik məşqləri   Ceki Çan deyir ki, hər gün idmanla məşğul olur. Bu da onun əla fiziki vəziyyətində olmasını təmin edir. Baxmayaraq ki, Ceki kinolarda tryuklarını sadələşdirib, amma onun hazırlığı yüksək səviyyədə qalmaqdadır. Aktyor gününü bir saatlıq qaçışla başlayır, sonra sadə hərəkətlərə keçir. Öz yaşına baxmayaraq, aktyor bədənini çox yükləyir. Ona görə də o, qidasını məhdudlaşdırmır.    Aktyor indi nə ilə məşğuldur?   Aktyor, rejissor və kino və musiqi ilə bağlı olan digər fəaliyyətlə yanaşı, aktyor həm də uğurlu bizneslə məşğuldur. Onun bir sıra brendləri var və müxtəlif geyim və suvenirlər buraxır. Eyni zamanda, aktyor "JCAM" şirkətinin sahibidir və bu şirkət ekoloji təmiz nəqliyyatın işlənməsi ilə məşğuldur. Şirkətin motosikletlərindən biri "Allahın yaraqları 3" filminin çəkilişlərində istifadə edilib.   Biznesdən başqa, Cekinin siyasi ambisiyaları da var. Aktyor Çin Kommunist Partiyası sıralarına daxil olmaq ustəyir. Bu yaxınlarda bəlli olub ki, o, ÇXR milli siyasi məsləhət şurasının tərkibinə daxil olub.    Təbii ki, Ceki bir əfsanədir. Mən aktyora çoxsaylı gözəl filmlərinə görə minnətdaram. Mən o filmlərin təsiri altında böyümüşəm.