Son.az bildirir ki, bu barədə Lankaster dairəsinin prokurorunun saytında məlumat verilib.

2021-ci il fevralın 14-də axşam saatlarında 30 yaşlı Daniel Byuli 27 yaşlı Mitçell Byulini Strasburqdakı bank filialına apararaq güllələyib. Şahidin sözlərinə görə, o, bankın yaxınlığında bir kişi və qadın görüb və bir müddət sonra atəş səsi eşidib. Ardınca daha beş atəş səsi eşidilib. Hadisə yerinə gələn polis Mitçell Byulinin cəsədini tapıb.

Qadının müdafiə tərəfi onun ərini özünümüdafiə məqsədilə öldürməsində israr etsə də, istintaq qətlin qəsdən törədildiyini sübuta yetirə bilib. Qadın bir dostundan əvvəlcədən silah götürüb və qətldən bir neçə dəqiqə əvvəl ona silahla çəkilmiş şəklini göndərib. Bundan əlavə, məhkəmə qeyd edib ki, qadın əməldən sonra peşmançılıq hissi keçirməyib.

Məlum olub ki, qətldən dərhal sonra Byuli dostlarına və qohumlarına zəng edərək ərini öldürdüyünü deyib. O, bir neçə dəfə "o, layiq olduğunu aldı" deyib.

Müdafiə tərəfi qadının ruhi vəziyyətinə istinad etməyə çalışıb, çünki o, guya əri ilə çətin münasibətdə olub və təhlükəsizliyindən ehtiyatlanıb. İttiham tərəfi bildirib ki, bu halda Byuli polislə əlaqə saxlaya bilərdi və ya dostunun evində qala bilərdi, amma bunun əvəzinə o, silahını götürərək əri ilə görüşə gedib.

Bundan əlavə, "True Crime Daly"-nin məlumatına görə, cinayətkar könüllü olaraq polisə təslim olmaqdan imtina edib və onun saxlanılmasına çevik reaksiya qrupu cəlb edilməli olub.

Deniel Byuli hazırda həbsdədir. Onun işi üzrə yekun hökm yaxın vaxtlarda veriləcək, lakin görüşün dəqiq tarixi hələ açıqlanmayıb. Birinci dərəcəli qətlə görə qadın ölüm cəzası ilə üzləşə bilər.

İrfan Vəliyev Son.az