UEFA Avropa çempionatına ev sahibliyi edəcək şəhərlərin sayını azaltmaq niyyətində deyil.

“Report” xəbər verir ki, bu barədə “Sky Sport”a qurumun nümayəndəsi məlumat verib.

Bildirilib ki, UEFA əvvəlki təqvimi qorumaq və oyunları planlaşdırıldığı eyni şəhərlərdə keçirmək niyyətindədir: “Ancaq matçların təqvimi rəsmən təsdiqlənməyib. UEFA bütün 12 ev sahibi şəhərlərlə əlaqə saxlayır. Daha sonra əlavə məlumatlar veriləcək”.

Qeyd edək ki, daha öncə AVRO-2020-yəev sahibliyi edəcək şəhərlərin sayının azala biləcəyiyazılıb. Avropa çempionatında A qrupunun 3 (İsveçrə - Uels, Türkiyə - Uels və Türkiyə - İsveçrə), 1/4 final mərhələsinin isə 1 oyunu Bakı Olimpiya Stadionunda keçirilməlidir. Digər qarşılaşmalar Sankt-Peterburq (Rusiya), London (İngiltərə), Münhen (Almaniya), Roma (İtaliya), Buxarest (Rumıniya), Dublin (İrlandiya), Kopenhagen (Danimarka), Bilbao (İspaniya), Qlazqo (Şotlandiya), Budapeşt (Macarıstan) və Amsterdam (Hollandiya) şəhərlərində olmalıdır.