Gəncə-Peterburq və Peterburq-Bakı reysləri gecikmə ilə uçacaq - XƏBƏRDARLIQ
Sosial 27 May 2018 20:17:38 337 0
Bu, həmin reysləri yerinə yetirəcək təyyarədə texniki nasazlıq ilə əlaqədardır
AZAL "J2-122" və "J2-020" reysləri ilə səyahət edən sərnişinlər üçün məlumat yayıb.
“Report” xəbər verir ki, hava gəmisinin texniki nasazlığı ilə əlaqədar olaraq AZAL-ın J2-122 Gəncə (VKO) - Sankt-Peterburq (LED), həmçinin həmin təyyarə ilə yerinə yetirilməsi planlaşdırılan J2-020 Sankt-Peterburq - Bakı reysi yubanır.
Reysin 5 saatdan çox yubanması ilə əlaqədar olaraq, aviaşirkətin qaydalarına əsasən yubanan reysin sərnişinləri lazımi hər şeylə, o cümlədən isti yeməklə təmin olunacaq.
Şirkət yaranan narahatlığa görə üzr istəyib.
Mənbə: report.az