Axşam saatlarında Mingəçevir şəhərində 5 nəfərin xəsarət alması ilə nəticələnən yol qəzası baş verib.

"Report”un Şirvan bürosu xəbər verir ki, “Lada Priora” markalı avtomobil şəhərin M.Maqomayev prospektindəki işıqforlardan birinin qarşısında taksi fəaliyyəti ilə məşğul olan “VAZ-21 06”ya çırpılaraq aşıb.

Nəticədə hər iki avtomobilin sürücüsü və “Prirora”da olan 3 sərnişin ağır xəsarət alaraq xəstəxanaya yerləşdirilib. Qəza zamanı yaralanan 5 nəfərdən 3-ü kişi, 2-si isə qadındır.

Faktla bağlı araşdırma aparılır.