Şamaxıya yağan qar yeni çiçəkləyən meyvə ağaclarına ziyan vurub - FOTO
Sosial 15 Apr 2018 19:50:39 272 0
Qar ən çox rayonun Dəmirçi kəndinə düşüb
Şamaxı rayonunda iki gündür davam edən güclü leysan yağışları bu gün sulu qar, günün ikinci yarısından etibarən isə qarla əvəzlənib.
"Report"un Şirvan bürosu xəbər verir ki, yağıntı ən çox rayonun dağlıq ərazilərinə düşüb.
Pirbəhli, Qızmeydan, Dəmirçi, Zarat və Ərçiman dağ kəndlərində qarın qalınlığı 10-20 sm təşkil edib.
Qarın yağması nəticəsində yeni çiçəkləməkdə olan meyvə ağaclarını şaxta vurub.
Qeyri-sabit hava şəraiti avtomobil yollarına təsir etməyib. Şamaxı-Pirqulu, Şamaxı-İsmayıllı, Şamaxı-Ağsu və Şamaxı-Bakı yolu işlək vəziyyətdədir.
Mənbə: report.az