Gəncədə özünü yandıran 18 yaşlı oğlan xəstəxanada ölüb
Sosial 03 Apr 2018 01:00:01 238 0
İntihar hadisəsi 5 gün əvvəl baş verib
Gəncə şəhərində özünü yandıraraq intihara cəhd edən yerli sakin xəstəxanada keçinib.
"Report"un Qərb bürosunun məlumatına görə, hadisə martın 29-u gecə saatlarında baş verib.
2000-ci il təvəllüdlü Gəncə şəhər sakini Süleymani Əli Fərhad oğlu özünü küçədə yandıraraq son dərəcədə ağır yanıq xəsarətləri ilə xəstəxanaya yerləşdirilib. Bu müddət ərzində həkimlərin göstərdikləri səylərə baxmayaraq, o, aprelin 3-ü dünyasını dəyişib.
Gəncin hansı səbəbdən intihar etməsi isə hələlik məlum deyil.
Faktla bağlı araşdırma aparılır.
Mənbə: report.az