Ağcabədidə məcburi köçkünə məxsus minik avtomobili oğurlanıb - FOTO
Sosial 21 Fev 2018 20:24:57 265 0
Faktla bağlı araşdırma aparılır
Ağcabədi rayonunda avtomobil oğurluğu olub.
"Reprot"un Qarabağ bürosunun məlumata görə, rayonun 556 nömrəli köçkün qəsəbəsində müvəqqəti məskunlaşmış Ağdam rayon sakini Sədi İbrahimova məxsus "VAZ-21011" markalı avtomobil qaçırılıb.
O, bu barədə Ağcabədi Rayon Polis Şöbəsinə məlumat verib.
Polis şöbəsinin əməkdaşları tərəfindən keçirilən əməliyyat-axtarış tədbirləri nəticəsində oğurlanan avtomobil Beyləqan rayonu ərazisindən keçən "Qarabağ" su kanalından aşkarlanıb. Hadisəni törədən şəxslər hələlik müəyyən edilməyib. Avtomobil yararsız vəziyyətə düşüb.
Faktla bağlı araşdırma aparılır.
Mənbə: report.az