1. Sükan arxasındakı Ötürücü Qulaqcıqlar (Paddle Shifters) Avtomatik ötürücülü avtomobillərə "idman ruhu" qatmaq üçün sükanın arxasına yerləşdirilən bu qulaqcıqlar, kağız üzərində sürəti əllə idarə etmək adrenalinini vəd edir. Lakin reallıqda müasir avtomatik sürət qutuları vites dəyişmə zamanlamasını sürücüdən daha dəqiq hesablayır. Bir müddət sonra bu detallar sükan arxasında sadəcə bir "bəzək əşyasına" çevrilir.

2. Avtomatik Park Köməkçisi Öz-özünə park edən avtomobil ideyası dar yerlərdə manevr etməkdən çəkinənlər üçün yuxu kimidir. Amma real dünya fərqlidir: sistemin uyğun boşluğu tapması, sensorları yoxlaması və manevrə başlaması çox vaxt aparır. Arxadakı sürücülərin siqnal verdiyi gərgin trafikdə bu yavaşlıq dözülməz olur. Sürücülərin çoxu "özüm iki dəqiqəyə park edərəm" deyərək bu funksiyanı unudur.

3. Avtomobilin öz səsli komanda sistemləri Apple CarPlay və Android Auto sistemləri gəlmədən əvvəl istehsalçıların inkişaf etdirdiyi səsli idarəetmə sistemləri çox vaxt sürücünü anlamamaqda israr edir. Siz "Anama zəng et" deyəndə, sistem əlqaəsi olmayan bir naviqasiya marşrutu açırsa, bu, texnologiyadan çox əsəb pozuntusuna səbəb olur. Smartfonlardakı səsli köməkçilər bir dəfəyə anladığı halda, avtomobillə "qışqıraraq" danışmaq heç də texnoloji üstünlükdən xəbər vermir.

4. Eco Rejimi: Qənaət, yoxsa Lənglik? Yanacaq qiymətləri artdıqca o kiçik yaşıl yarpaqlı "Eco Mode" düyməsi cəlbedici görünür. Bu rejim qaz pedalının reaksiyasını azaldır və yanacaq qənaəti üçün maşını ləngidir. Lakin testlər göstərir ki, şəhər içi sürüşdə bu rejim hər zaman ciddi qənaət təmin etmir. Avtomobilin sürətlənməyə qarşı müqavimət göstərməsi sürücünü narahat edir. Diqqətli sürüş vərdişi qazanmaq bu düyməyə basmaqdan daha effektivdir.

5. Jestlə İdarəetmə (Əl Hərəkətləri ilə İdarəetmə) Əlinizi havada çevirərək səsi artırmaq və ya əl hərəkəti ilə zəngi rədd etmək futuristik görünsə də, praktikada fiyaskodur. Adi bir düyməni çevirmək həm daha təhlükəsizdir, həm də hər zaman dəqiq işləyir. Sistemin əl hərəkətinizi qavramasını gözləmək diqqəti yoldan yayındırır. Artıq istehsalçılar da anlayır ki, bu xüsusiyyət mövcud olmayan bir problemə yaradılmış mənasız bir həlldir. Lalə Qüdrətova Son.az