Avropa Gimnastika İttifaqının (UEG) prezidenti seçilən Fərid Qayıbov Azərbaycan Gimnastika Federasiyasının (AGF) baş katibi vəzifəsindən ayrılacaq.

“Report” xəbər verir ki, bu barədə F.Qayıbov özü məlumat verib. 

O, bunu UEG-nin prezidenti seçilməsi ilə əlaqləndirib.

F.Qayıbov baş katib vəzifəsindən azad olunması üçün AGF rəhbərliyinə ərizə ilə müraciət etdiyini söyləyib.

AGF-nin vitse-prezidenti Altay Həsənov isə baş katib vəzifəsinə iki namizədin olduğunu bildirib və bununla bağlı ayın sonunda qərar veriləcəyini deyib.