BƏƏ BMTyə 550 milyon dollar ayırdı

Siyasət 11 Dek 2025 18:35:05 57 0

Birləşmiş Ərəb Əmirlikləri Prezidenti Şeyx Məhəmməd bin Zayed Əl Nəhyanın göstərişlərinə uyğun olaraq, Əmirliklər BMT-nin Qlobal Humanitar Baxış (Global Humanitarian Overview - GHO) proqramına 550 milyon ABŞ dolları həcmində böyük maliyyə öhdəliyi elan edib. Proqram 2026-cı ildə 23 humanitar əməliyyat çərçivəsində 135 milyon insana yardım etmək üçün ümumilikdə 33 milyard dollar toplamağı hədəfləyir. Buraya qaçqınlara və miqrantlara dəstək proqramları da daxildir. Humanitar missiyanın məqsədi təcili yardıma ehtiyacı olan 87 milyon insanın həyatını qorumaq üçün 23 milyard dollarlıq maliyyənin təmin edilməsidir. Bu təşəbbüs BƏƏ-nin humanitar sahədə beynəlxalq səylərin gücləndirilməsi, qlobal miqyasda fəlakətlərdən və böhranlardan zərər çəkən ən həssas icmalara yardım göstərilməsinə sarsılmaz öhdəliyini bir daha təsdiqləyir. Eyni zamanda bu dəstək BƏƏ-nin çoxtərəfli humanitar fəaliyyətin təşviqində aparıcı rolunu vurğulayır və ölkənin BMT qurumları, xüsusilə BMT-nin Humanitar Məsələlərin Koordinasiyası İdarəsi (OCHA) ilə sıx əməkdaşlığını əks etdirir. Bu əməkdaşlıq sayəsində yardım ən çox ehtiyacı olan insanlara vaxtında çatdırılır və Şeyx Məhəmməd bin Zayedin "sürətli və effektiv humanitar reaksiya" prinsipi yerinə yetirilir. Mövzu ilə açıqlama verən BƏƏ-nin Beynəlxalq Əməkdaşlıq üzrə Dövlət naziri Reem bint İbrahim Al Həşimi bildirib ki, ölkəsi qlobal humanitar səylərə dəstəyini davam etdirir və BMT tərəfdaşlarımızla birlikdə ən çox zərər görən icmalara yardımın əlçatan olmasını təmin edir. "Bu maliyyə öhdəliyi Əlahazrət Şeyx Məhəmməd bin Zayedin direktivlərini əks etdirir və insanların həyatlarının qorunması və xilas edilməsi üçün beynəlxalq həmrəyliyin vacibliyinə olan dərin inamımızı nümayiş etdirir."-deyə o bildirib. BMT-nin Humanitar İşlər üzrə Baş katibinin müavini və OCHA rəhbəri Tom Fletcher hesab edir ki,BƏƏ-nin sürətli dəstəyi tam zamanında edilib.

Bu xəbəri də oxu: WUF13ün təşkili ilə əlaqədar yaradılmış Təşkilat Komitəsinin növbəti iclası keçirilib

" Bu fəstək 2026 planımız üçün güclü ən çoxtəkandır. Biz bu çağırışa innovativ və effektiv şəkildə cavab verməliyik."-deyə o qeyd edib.

Ümümüdünya Səhiyyə Təşkilatının Baş direktoru Dr. Tedros Adhanom Ghebreyesus da Şeyx Məhəmməd bin Zayedə və BƏƏ yə təşəkkür edib.

"Sağlamlıq sistemlərinin çökməsinin siqnalları çox erkən görünür. Epidemiyalar yayılır, qida çatışmazlığı artır, qarşısı alına bilinməyə ölümlər çoxalır. Birlikdə hərəkət etdikdə həyatları xilas etmək mümkündür. Mən Əlahazrət Şeyx Məhəmməd bin Zayedə və BƏƏ-tə bu kritik dəstəyə görə təşəkkür edirəm"-deyə o bildirib. UNICEF-in İcraçı direktoru Ketrin Rassel isə bildirib ki, BƏƏ-nin səxavətli dəstəyi humanitar böhranlarda uşaqların həyatının xilas edilməsinə mühüm töhfə verəcək. "Ehtiyaclar sürətlə artsa da, maliyyə azalır belə bir anda BƏƏ-nin strateji tərəfdaşlığı həlledicidir." - deyə o vurğulayıb. BMT Qaçqınlar üzrə Ali Komissarı (UNHCR) Filippo Qrandi,bildirib ki, BMT BƏƏ-nin humanitar fəaliyyətə güclü sadiqliyini yüksək qiymətləndirir. "Maliyyə çatışmazlığı ən həssas məcburi köçkün qrupları üçün ciddi risk yaradır, lakin BƏƏ kimi ölkələrin dəstəyi UNHCR-in imkanlarını genişləndirir."-deyə Qrandi deyib. BMT Dünya Ərzaq Proqramı (WFP) rəhbəri də xusi ilaraq vurğulayəb ki, BƏƏ-nin bu səxavətli öhdəliyi milyonlarla insanın təcili ərzaq yardımına çıxışını təmin etmək üçün həyati əhəmiyyət daşıyır. Son.az