Sankt-Peterburqda zərgərlik mağazasını yarmaqda şübhəli bilinən azərbaycanlılar saxlanılıblar
Sosial 20 Okt 2017 12:57:02 333 0
Cinayətkar qruplaşmanın dörd üzvündən ikisi azərbaycanlıdır
Sankt-Peterburq hüquq-mühafizə orqanları əməkdaşları zərgərlik mağazasını yarmaqda şübhəli bilinən iki Azərbaycan vətəndaşını saxlayıb.
"Report" "İqtisadiyyat bu gün" nəşrinə istinadən xəbər verir ki, ilkin məlumatlara görə, Sankt-Peterburqda qanunsuz olaraq yaşayan Azərbaycan vətəndaşları soyğunçuluqda şübhəli bilinən qruplaşma üzvləridirlər.
Cinayətkar qruplaşmanın 4 üzvü dünən gündüz vaxtı saxlanılıb, onlardan 2-si azərbaycanlıdır.
Onlar satıcılarına tapança ilə hədə-qorxu gəlib, 2 palet qızıl-zinət əşyalarını oğurladıqları "585 Gold" zərgərlik mağazasına hücum etməkdə şübhəli bilinirlər. Eyni zamanda, qruplaşma üzvlərini çöldə gözləyən avtomobilin sürücüsü də saxlanılıb.
Mənbə: report.az