Ramil Qasımovdan bayram töhfəsi: İki saatlıq mikrofonsuz, tam canlı performans FOTO
Kriminal 29 Dek 2025 18:04:00 85 0
"Bizi Birləşdirən Mədəniyyət" İctimai Birliyinin təşkilatçılığı, Qeyri-Hökumət Təşkilatlarına Dövlət Dəstəyi Agentliyinin və Beynəlxalq Muğam Mərkəzinin tərəfdaşlığı ilə Beynəlxalq Muğam Mərkəzində Dünya Azərbaycanlılarının Həmrəyliyi Günü və Yeni il münasibətilə "Ey, Vətən!" adlı konsert proqramı keçirilib. Bu, məxsusi olaraq qeyri-hökumət təşkilatlarının təmsilçiləri üçün məhz QHT tərəfindən hazırlanmış ilk bayram konserti olub. Konsertdə görkəmli vokal ustası, Əməkdar artist, "Bizi Birləşdirən Mədəniyyət" İctimai Birliyinin sədri Ramil Qasımovun ifasında musiqi inciləri səsləndirilib. Fortepianoda onu Xalq artisti, professor Siyavuş Kərimi, tanınmış caz ustası, Əməkdar artist Emil Əfrasiyab, gənc sənətkarlar - Riyad Quliyev, Soltan Əliyev və Tofiq Şıxıyev müşayiət ediblər. Klassik musiqi gecəsində Üzeyir Hacıbəyli, Cahangir Cahangirov, Oqtay Kazımi, Rauf Hacıyev, Elza İbrahimova və digər korifeylərin bəstələrinə müraciət edilib, Mikayıl Müşfiq, Süleyman Rüstəm, Fikrət Qoca, İslam Səfərli, Zeynal Cabbarzadə və digər görkəmli şairlərin sözlərinə yazılmış mahnılar oxunub. Azərbaycanın dünya miqyaslı müfəkəkkir şairi, əsərləri Azərbaycanın dövlət varidatı elan edilmiş İmadəddin Nəsimi barəsində musiqi parçaları səsləndirilib. Musiqisi Xalq artisti, professor Siyavuş Kərimliyə, librettosu akademik Rafael Hüseynova məxsus olan "Nəsimi" operasının baş qəhrəmanı Ramil Qasımov bu musiqi əsərindən bir hissəni ifa edib. Vokalçı həmçinin bildirib ki, 2026-cı ildə "Bizi Birləşdirən Mədəniyyət" İctimai Birliyi əsasən Suriyada və İraqda yaşayan türkman irsi mövzusunda yeni musiqi əsərini ictimaiyyətə təqdim edəcək. Musiqi gecəsində həmçinin əsərləri Azərbaycanın dövlət varidatı elan edilmiş görkəmli sənətkar Məhsəti Gəncəvinin poetik irsinə müraciət edilib. Qeyd olunub ki, M.Gəncəvinin yaradıcılığında istifadə olunan bədii texnika incəlikləri əsrlərdir ki, sevilir, böyük məhəbbətlə qarşılanır. Musiqisi Pikə Axundovanın, librettosu Leyla Qədirzadəyə məxsus "Məhsəti" operasının premyerasından bir hissə səsləndirilib, fortepianoda Pikə Axundova özü müşayiət edib. Konsert proqramında 300-dən çox QHT təmsilçisi iştirak edib. Konsert boyu Ramil Qasımovun ifaları, onun sənət dostlarının çıxışları gurultulu alqışlarla qarşılanıb. Qeyd edək ki, konsert zamanı bütün ifalar tam təbii və canlı olub, mikrafondan ümumiyyətlə, istifadə edilməyib. Qeyri-Hökumət Təşkilatlarına Dövlət Dəstəyi Agentliyi "Bizi Birləşdirən Mədəniyyət" İctimai Birliyinin bu nümunəvi layihəsində olduğu kimi, mühüm təşəbbüsləri bundan sonra da dəstəkləməkdə, onlara tərəfdaşlıq etməkdə davam edəcək. İnformasiya dəstəyi - Trend.Az, Day.Az, Son.az
Bu xəbəri də oxu: Xalq artisti Baba Mahmudoğlunun 85 illik yubileyi qeyd edilib
Rəqqasə Röya Əliyeva həmkarı Fatimə Fətəliyeva ilə yaşanan qalmaqala
Bakı Musiqi Akademiyasının nəzdində Opera Studiyasının Konsert Salonunda
Elxan Oqtay oğlu İbrahimov Bakı şəhəri Nəsimi Rayon İcra Hakimiyyətinin
Dekabrın 29-da Heydər Əliyev Fondunun vitse-prezidenti, IDEA İctimai Birliyi
Rusiya Silahlı Qüvvələri Donetsk vilayətində yerləşən Dibrova yaşayı�
Sosial şəbəkələrdə Xırdalan şəhərinin böyük hissəsində evlərin ti
Azərbaycan Milli İncəsənət Muzeyində Azərbaycan Rəssamlıq Akademiyasın
Dekabrın 30-31-də Bakıda və Abşeron yarımadasında, eyni zamanda əksər b
Polis avtobus sürücüsünün telefonunu ələ keçirən şəxsi saxlayıb.
Rusiya Prezidenti Vladimir Putin aprelin 19-nun keçmiş SSRİ xalqlarına qarş
Elm və təhsil naziri Emin Əmrullayevin müvafiq əmri ilə Nizami Yusifli naz
Prezident İlham Əliyevin 2025-ci ilin idman yekunlarına həsr olunmuş məras
Gündəlik vərdişlərin bəziləri faydalı görünsə də, sağlamlığa z
Azərbaycan Respublikası Dövlət Neft Fondunun 2026-cı il büdcəsi təsdiql�
