Azərbaycanda din xadimləri 5 ildən bir attestasiyaya cəlb ediləcək

Digərləri 16 İyn 2025 18:11:00 66 0

"Dini etiqad azadlığı haqqında" Qanunun 8-ci maddəsinə əsasən, İslam dininə aid ibadət yerlərinə və ziyarətgahlara din xadimləri hər beş ildən bir attestasiya edilir. Bu proses Qafqaz Müsəlmanları İdarəsinin nümayəndələrinin və mütəxəssislərin iştirakı ilə həyata keçirilirdi.

Lakin bir müddət əvvəl qanunvericiliyə dəyişiklik edilib, artıq din xadimlərinin attestasiya Dini Qurumlarla İş üzrə Dövlət Komitəsinə verilib.

Mövzu ilə bağlı Modern.az-a danışan deputat Ceyhun Məmmədov bildirib ki, proses qanunvericilik əsasında tənzimlənir:

"Əvvəlki dövrdə din xadimləri arasında attestasiya imtahanını Qafqaz Müsəlmanlar İdarəsi həyata keçirirdi. Hazırda isə bu iş Dini Qurumlarla İş üzrə Dövlət Komitəsi tərəfindən reallaşdırılır. Attestasiyanın keçirilməsində məqsəd uyğun kadrların prosesə cəlb edilməsidir. Din xadimliyi kifayət qədər həssas, önəmli və vacib vəzifədir. Burada təsadüfi insanlar təmsil oluna bilməz. Mütləq seçilmiş insanlar, təcrübəsi olan, keçmişi imkan verən insanlar təmsil oluna bilər."

Deputat qeyd edib ki, bu gün attestasiya prosesi dini komitənin mütəxəssislərindən ibarət heyət tərəfindən, Azərbaycan ilahiyyat müəllimləri ilə birgə həyata keçirilir:

"Namizədlər yoxlanılır və onların bu işə uyğunluğu müəyyən edilir. Artıq standart və qaydalar da Komitə tərəfindən müəyyənləşdirilir. Əsasən İlahiyyat İnstitutunun müəllim və tələbələrinə üstünlük verilir. İndidən hansısa ciddi nəticə barədə yekun fikir söyləmək çətindir. İlkin olaraq deyə bilərik ki, müəyyən müsbət tendensiyalar hiss olunur və layiqli kadrların işlə təmin olunması üçün silsilə addımlar və tədbirlər həyata keçirilir. Müsbət tendensiyalar zamanla daha yaxşı nəticələr verəcək və biz daha yaxşı göstəriciləri müşahidə edə biləcəyik".

Mənbə: milli.az

17 İyn 2025 00:34

Azərbaycanda din xadimləri 5 ildən bir attestasiyaya cəlb ediləcək

Siyahının davamı